Թուրքական «Milliyet»-ի տեղեկություններով` շուտով տեղի կունենա իշխող «Արդարություն և զարգացում կուսակցության» արտահերթ համագումարը, որի ժամանակ կընտրվի կուսակցության նոր ղեկավարը։ Արտահերթ համագումար հրավիրելու մասին պայմանավորվածությունը ձեռք է բերվել երկրի նախագահ Էրդողանի և վարչապետ Դավութօղլուի չորեքշաբթի տեղի ունեցած հանդիպման ժամանակ։ Ըստ թերթի տեղեկությունների` երկրի վարչապետ Ահմեդ Դավութօղլուն չի դնելու իր թեկնածությունը։ «Արդարություն և զարգացում կուսակցությունում» ընդունված կարգ է՝ կուսակցության ղեկավարը ընտրություններում հաղթանակի ժամանակ ընտրվում է երկրի վարչապետ։Ըստ պարբերականի, եթե Դավութօղլուն չի դնելու իր թեկնածությունը որպես կուսակցության լիդեր, ապա նաև կհրաժարվի վարչապետի պաշտոնից։
Այս տեղեկությունը դեռ չեն հաստատել իշխող կուսակցության ներկայացուցիչները։
Նյութի աղբյուր՝ https://www.facebook.com/gagik.hambaryan/posts/1025664017517547?__mref=message_bubble
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
