Հայաստանում ԱՄՆ դեսպանատունն արդեն իսկ պաշտոնապես հայտարարել է, որ գրանտներ է տրամադրում հայաստանյան որոշ կազմակերպությունների քաղաքացիական հասարակության ձևավորմանը նպաստելու համար, բայց ակնհայտ է, որ պրոարևմտյան գաղափարներով առաջնորդվող հայաստանյան գործիչները միևնույն ժամանակ նաև հակառուսական գործունեույթուն են իրականացնում, ինչը պարզ ցույց է տալիս տրամադրվող գրանտների իրական նպատակը: Հայաստանում փաստացի պրոարևմտյան կամ հակառուսական գործունեություն ծավալելու համար մարդիկ փող են ստանում, նաև պաշտպանված են ԱՄՆ դեսպանատան կողմից, իսկ ահա Հայաստանում Ռուսաստանի դեսպանատունը գրանտներ չի տրամադրում, մեծ հաշվով ոչնչով չի աջակցում պրոռուսական դիրքորոշում ունեցող կամ հակաարևմտյան դիրքորոշում ունեցող գործիչներին:
Վստահ եմ, պրոռուսական հայացքներ ունեցող հայաստանյան գործիչները նման դիրքորոշում ունեն ոչ այն պատճառով, որ Ռուսաստանը և ռուսներին շատ են սիրում , այլ այն պատճառով, որ գիտակցում են Հայաստանի և Ռուսաստանի շահերի համընկնումն ու Հայաստանի համար Ռուսաստանի կարևոր դերակատարումը մեր ռեգիոնում: Փաստորեն, Հայաստանի հակառուսները հակառուս լինելու համար փող են աշխատում, մեծ մասամբ զուրկ լինելով գաղափարական հիմքից, իսկ պրոռուսական գծի հետևորդները` պաշտպանում Հայաստանի շահն ու ենթարկվում գրանտակեր հակառուսների վիրավորանքներին :
Սա ևս արևմտյան երկակի ստանդարտների օրինակ է. երբ դու անարդար ես, բայց դու ավելի պաշտպանված ու հարուստ ես ...
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել