Tert.am-ը գրում է.
Քաղաքագետ Լևոն Շիրինյանը լրագրողերի հետ զրույցում անդրադարձավ ապրիլյան չորսօրյա պատերազմին և ասաց, որ հայտնված ռազմավարական իրավիճակում մեր հաղթանակը բացառիկ էր:
«Երեք մայրաքաղաքներում մտահղացած ռազմավարական գործողություները ձախողվել են և դա ձախողել է Արցախի պաշտպանական Բանակի զինվորները և բազմահամակազմը»,-ասաց նա և նշեց, որ այդ պետություններն են Ադրբեջանը, Թուրքիան, իսկ Ռուսաստանն օգտվեց դրանից:
Քաղաքագետը նշեց, որ Ադրբեջանի նախահարձակ գործողությունները անսպասելի էր և դա կարելի է որակել ավանտյուրա: «Արցախի բանակը չնայելով՝ հզոր դաշնակիցների առկայությանը, մոբիլիզացրեց իր ուժերը և չորս օրվա մեջ ջախջախեց Ադրբեջանի հարձկվողական պոտենցիալը»,-ասաց նա:
Նա ցավալի համարեց, որ հայկական կողմն այդքան զոհ է տվել, սակայն նշեց, որ չի կարող թերագնահատել, որ Արցախի բանակը վիժեցրեց ադրբեջանական ծրագիրը; «Արցախի բանակից ռազմաստրատեգիական տաղանդն եմ ուզում գնահատել»-ասաց նա:
Լևոն Շիրինյանը գտնում է, որ իրավիճակը վերադարձավ ի շրջանս յուր, քանի որ թուրքական տեսակետը չի փոխվելու՝ կամ ոչինչ կամ ամեն ինչ, համանախագահները նույնն են, Ռուսաստանը նույնն է, Ադրբեջանը հոխորտալու է և հայկական կողմը պետք է ունենա կոնֆլիկտի լուծման իր տարբերակը:
«Որպես Ցեղասպանության հարյուրերորդ տարելիցի փոխհատուցման տարբերակ՝ ես մտածում եմ Քուռ Արաքսյան հանրապետության հիմնադրման մասին: Մենք պետք է աշխատենք այն բանի վրա, որ Ադրբեջանը փլուզվի»,- ասաց նա և նշեց, որ թեև ֆանտաստիկ բան է ասում, սակայն ուրիշ տարբերակ չկա, որ այս վիճակը չկրկնվի:
Նա նշեց, որ այս ընթացքում Ադրբեջանը հյուծման պատերազմ է մեզ հետ վարել: «Ես բացառում եմ խաղաղ զարգացման որևէ հնարավորություն: Արցախի բանակի կռիվը վիժեցրեց ադրբեջանական ծրագիրը»,-ասաց նա:
