ԶԼՄ-ների 29.04.16 թ. հրապարակման վերաբերյալ հայտնում ենք, որ փաստաթղթեր, դրոշմներ, կնիքներ, ձևաթղթեր, տրանսպորտային միջոցների համարանիշեր կեղծելու և իրացնելու մեղադրանքով ճանապարհային ոստիկանության գործող աշխատակիցներ չեն կալանավորվել:
«Գործը, որով մարդիկ են կալանավորվել, որևէ առնչություն չունի Ճանապարհային ոստիկանության գործառույթների հետ: Իսկ դիսպոզիցիայում հանցագործության տեսակների թվարկումը չի նշանակում, որ մեղադրանք է ներկայացվում դրանց բոլորի վերաբերյալ:
Ինչ վերաբերում է մեծ պահանջարկ ներկայացնող համարանիշերի տրամադրման կարգին, ապա տեղեկությունները հնացած են:
Ներկայումս բոլոր համարանիշերը ներառված են ծառայության համակարգչային բազայում և բաց են ընտրության ու գնման համար, ինչը բացառում է Ճանապարհային ոստիկանության կողմից ցանկացած միջամտություն՝ ուղղորդում, գաղտնի ընտրություն, համարանիշերի վերատրամադրում և այլն:
Խնդրում ենք ոստիկանության վերաբերյալ հրապարակումներ պատրաստելիս, անստույգ տեղեկատվությունից ապահովագրված լինելու համար, դիմել ոստիկանության լրատվական ծառայություն»,-ասվում է հաղորդագրությունում:
