Մշտապես սոցիալական ցանցերում ականատես ենք արևմտամետների ու ռուսամետների մենամարտերին՝ քաղաքակիրթ բանավեճերից սկսած մինչև հայհոյանք ու անեծք, մշտական տուրուդմփոց ու պատերազմ:Իսկ ինձ թվում է, որ այդ <<ուղղորդվածները>> պետք է ուղղակի սիրեն իրենց հայրենիքը, երազեն հզոր, զարգացած, միջազգային հեղինակություն վայելող պետության, հայրենիքի մասին:
Արևմուտքի ու ռուսների հերն էլ անիծած, իսկ մեզ՝ հայերիս, պետք է միասնական և համախմբված լծվել մեր երկրի զարգացման, մեր պետության կայացման գործին:
Նախանձում եմ հրեաներին, չեղած տեղից տարածք վերցրին, պետություն ստեղծեցին, ողջ հրեական աշխարհով՝ միասնական, համախմբված ուժերով, ազգովի ստեղծեցին փոքր, բայց հզոր, մեծ հեղինակություն, կշիռ ունեցող պետություն: Իսկ մենք՝ ամբողջ հայությամբ, մասնատված, կտոր-կտոր, թշնամացած իրար կոկորդ ենք կռծում, հանուն ինչ-որ այլ արժեքների, թե ով է շատ սիրում Արևմուտքին, ով ռուսներին…
Թքած ունեմ նրանց բոլորի վրա՝ իրենց խառնիխուռն, այլասերված արևմտյան արժեքների կրողների, ռուսական մեծապետական դրսևորումների վրա…Ուղղակի մեզ պետք է նրանցից վերցնել այն ինչ մեզ պետք է, համագործակցել բոլորի հետ՝ ի շահ մեր ազգի ու պետության…Եվ լինենք միասնական, համախմբված ու հրեաների նման կառուցենք թեկուզ տարածքով փոքր, բայց հզոր պետություն ու մտածենք մեր պատմական տարածքները քոչվորներից ազատագրելու մասին…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
