Այսօր Մաշտոցի պուրակի դիմաց «Նոր Հայաստան» քաղաքացիական նախաձեռնությունն իրականացրել էր ակցիա, ի պաշտպանություն Գևորգ Սաֆարյանի: Ակցիայի ժամանակ Ոստիկանության կենտրոնական բաժին բերման են ենթարկվել 14 անձ:

Ինչպես տեղեկանում ենք, բերման ենթարկվածների մեջ է եղել նաև զինված խմբավորման գործով վերջերս կալանավորված և ազատ արձակված Սյուզի Գևորգյանը:

Սյուզի Գևորգյանի կալանավորման թեման բավականին ակտիվ քննարկվում էր հանրային որոշ շերտերի կողմից: Բայց ինչպես տեսնում ենք, Սյուզին սիրում է սկանդալային թեմաների կիզակետում լինել, էքստրիմի սիրահար է:
Այս աղջիկը դեռ մի թեմայից լիարժոք դուրս չեկած, ինքն իրեն ներքաշում է ուրիշ թեմաների մեջ:

Այնպիսի տպավորություն է կարծես Սյուզին նպատակաուղղված գնում է ձերբակալվելու: Այստեղ արդեն թեման, ակցիայի նպատակն այնքան կարևոր չեն, որքան ձերբակալման հավանականության մասնաբաժինը: Սյուզին, կարծես արկածներ է փնտրում ամենուրեք:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել