Թուրքիան մտել է մի շատ վտանգավոր խաղի մեջ, որը կամ կբերի Թուրքիայի ոչնչացմանը , կամ ավելի կամրապապնդի Թուրքիայի դերն ու նշանակությունը տարածաշրջանում: Բանը նրանում է, որ Թուրքիան որոշել է ամեն գնով ներխուրժել Սիրիա: Անկարան՝ Թուրքիայի ԱԳ-ի մակարդակով, հայտարարել է , որ Սաուդյան Արաբիայի հետ կազմում է ռազմական դաշինք Սիրիայում ԻՊ-ի դեմ պայքար մղելու համար: Թուրքիայի ԱԳ նախարար Մևլութ Չավուշօղլուն հայտարարել է ,որ արդեն ձեռք է բերվել համաձայնություն, որ Սիրիայում ԻՊ-ի դեմ պայքարը կլինի օդից՝ ավիահարվածների տեսքով, իսկ ռազմական ինքնաթիռների թռիչքի և վայրէջքի վայր կլինի Ինջիրլիկի ռազմաբազան Ադանայում: Չավուշօղլուն հայտնել է , որ սա համաձայնեցվել է նաև ԱՄՆ-ի հետ: Սաուդյան Արաբիայի ԱԳ նախարար Ադել ալ- Ջուբեիրը հայտարարել է, որ ԱՄՆ-ն ողջունել է Թուրքիայի և Սաուդյան Արաբիայի ռազմական կոալիցիան ընդդեմ ԻՊ-ի և շատ շուտով կսկսեն միասնական ավիահարվածներ հասցնել Սիրիայում տեղակայված ԻՊ-ի ուժերին:
Սրանով անշուշտ ձեռնոց է նետվում Ռուսաստանին և պարզից էլ պարզ է, թե ինչու՞ են ցանկանում իրենց ռազմական ներկայությունը ապահովել Սիրիայում ԱՄՆ-ն և Թուրքիան: Մնում է սպասել Ռուսաստանի կոշտ պատասխանին, որի պակաս չի զգացվել մինչ այսօր:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել