Բաղադրիչներ
- ջուր - 460 մլ (գոլ)
- խմորիչ - 3 գր
- ինվերտային օշարակ - 1 ճ/գդ
- աղ - 1/2 թ/գդ
- ալյուր - 800 գր
- մեղր - 2 ճ/գդ
Պատրաստման եղանակ
- Ջուրը լցնում ենք հարիչի բաժակի մեջ։ Վրան լցնում ենք աղը, խմորիչն ու ինվերտային օշարակը։ Խառնում ենք այնքան մինչև լուծվի։
- Մաս առ մաս ալյուր ենք ավելացնում և ոչ շատ պինդ խմոր հունցում։ Եթե կոմբայնով ենք հունցում, ուրեմն անհրաժեշտ է ցածր արագության վրա 4 րոպե հունցել, այնուհետև 5 րոպե` միջին արագության վրա հունցել։
- Խմորը պետք է հարթ լինի։ Խմորը 9 մասի ենք բաժանում։
- Սրբիչով ծածկում ենք և թողնում ենք 10 րոպե հանգստանա։ Այնուհետև յուրաքանչյուր մասից 23-25 սմ երկարությամբ երշիկ ենք ձևավորում։ Ծայրերը միացնում ենք իրար այնպես, որ մեջտեղում 3 մատի չափով անցք մնա։
- Այնուհետև բեյգլները հանգիստ ենք թողնում։ Իրականում պետք է այն 6-8 ժամով սառնարանը տեղափոխել, բայց եթե շտապում ենք կարող ենք մի քանի ժամով սառցարանի մեջ դնել։
Մեծ կաթսայի մեջ 2 լիտր ջուրը հասցնում ենք եռման աստիճանի, ավելացնում ենք մեղրը, խառնում և կրակի տակը իջեցնում։ Մեկ առ մեկ ջրի մեջ ենք դնում բեյգլները և յուրաքանչյուր կողմից 20 վայրկյան խաշում։ - Ջրի միջից հանում ենք և դնում սրբիչի վրա, որպեսզի այն ավելորդ խոնավությունն իր մեջ քաշի։ Տեղափոխում ենք յուղաթղթով տապակի մեջ և վրան ըստ ցանկության տարբեր համեմունքներ ցանում։
- Այնուհետև տապակը տեղափոխում ենք նախապես մինչև 260 աստիճան տաքացրած ջեռոցի մեջ և մոտ 15 րոպե թխում` մինչև ոսկեգույն կեղև կապի։
Բարի ախորժակ։
Շատ ավելի համեղ կլինի, եթե բեյգլները մատուցենք թարմ և տաք վիճակում կարագի հետ: Նշված բաղադրիչներից 9 հատ 12 սմ տրամագծով բեյգլներ են ստացվում:
Նյութի աղբյուր՝ http://www.cooks.am/%D5%A1%D5%B4%D5%A5%D6%80%D5%AB%D5%AF%D5%B5%D5%A1%D5%B6-%D5%A2%D5%A5%D5%B5%D5%A3%D5%AC%D5%B6%D5%A5%D6%80/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել