Tert.am-ը գրում է.
ՀՀ կառավարությունը վաղաժամ կդադարեցնի Արմավիրի մարզի Նորապատ համայնքի ղեկավարի լիազորությունները:
Որոշման ընդունումը պայմանավորված է վերոհիշյալ համայնքի արդեն նախկին ղեկավար Սամվել Բադալյանի կողմից հրաժարական ներկայացնելու հանգամանքով, ինչի առնչությամբ համայնքի ավագանին 2015 թվականի դեկտեմբերի 21-ին կազմել է արձանագրություն:
«Նկատի ունենալով այն հանգամանքը, որ վերոնշյալ համայնքում 2015-ի դեկտեմբերի 6-ին արդեն իսկ ընտրվել է այդ համայնքի նոր ղեկավար՝ համայնքի ղեկավարի լիազորությունները դադարեցնելու հետ միաժամանակ Նորապատ համայնքում արտահերթ ընտրություն նշանակելու անհրաժեշտությունը բացակայում է»,- նշված է նախագծի հիմնավորման մեջ:
Նյութի աղբյուր՝ http://www.tert.am/am/news/2016/02/11/norapat/1928505
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել