«Խորամանկություններ»` տան մաքրության գործընթացը հեշտացնելու համար (լուսանկարներ)

AdMe.Ru կայքն առաջարկում է ծանոթանալ մի շարք ուշագրավ հնարքների, որոնց կիրառման դեպքում տունը մաքրելու գործընթացը կդառնա անհամեմատ ավելի հեշտ ու հաճելի.

1. Որպեսզի քրոմով պատված ծորակները հնարավորինս երկար մաքուր մնան ու պահպանեն  իրենց փայլը` դրանք մաքրելուց հետո տրորեք թխվածքների պատրաստման համար օգտագործվող հատուկ թղթով:

2. Հատակը մաքրելու համար օգտագործեք ձեր հին տաք, հաստ գուլպաները:

3. Բազմոցի վրայի հետքերը վերացնելու համար խառնեք 1 ճաշի գդալ սոդան 1/3 բաժակ քացախի հետ, ավելացրեք մի քիչ գոլ ջուր, ավելացրեք 1 ճաշի գդալ լվացքի փոշի: Ստացված լուծույթով կարող եք հեշտությամբ ազատվել տհաճ հետքերից:

4. Վառված կաթսան մաքրելու համար դրա մեջ մի քիչ ջուր լցրեք, ավելացրեք 1 ճաշի գդալ քացախ, թողեք, որ եռա: Հետո անջատեք կրակը, ավելացրեք մի քիչ սոդա: Հենց ջուրը դադարի թշթշալ, թափեք այն: Մնացած կեղտոտ հետքերը լվացեք սոդայով:

5. Բաժակներին երբեմնի փայլը վերադարձնելու համար դրանք լվացեք քացախով, հետո պարզաջրեք ու թույլ տվեք, որ չորանան բնական ճանապարհով:

6. Սրճեփը մաքրելու համար դրա մեջ լցրեք հավասար քանակով քացախ ու ջուր: Միացրեք եփելու կոճակը ու 2-3 րոպե անց անջատեք: Հետո մեկ անգամ ևս կրկնեք այդ գործողությունը:  Այնուհետև 2 անգամ սրճեփի մեջ մաքուր ջուր եռացրեք:

7. Բաժակներից թեյի կամ սուրճի գորշ նստվածքի շերտը մաքրելու համար ջրի մեջ քացախ լցրեք ու սպասքը 1 ժամով դրեք դրա մեջ: Հետո լվացեք սովորական սպասքի մաքրման հեղուկով:

8. Արդուկի վրայի լաքաները մաքրելու համար փայտյա տախտակի վրա թուղթ փռեք, վրան առատորեն աղ շաղ տվեք ու միացրած արդուկը 1 րոպե շարունակ դրա վրայով այս ու այն կողմ տարեք:

9. Լոգասենյակում պատերի վրա սնկային գոյացությունները մաքրելու համար ֆուրացիլինի 1 կոճակը լցրեք 1 լ ջրի մեջ ու ստացված լուծույթով մաքրեք պատերը:

10. Որպեսզի լվացարանը փայլի մաքրությամբ` դրա մակերևույթը մաքրեք կիտրոնով ու աղով: