բացել լրահոսը
08.02.2016  18:23

Զավեշտալի վրիպակներ ԵԱՀԿ/ԺՀՄԻԳ-ի զեկույցում

Serop Garnikovich

ԵԱՀԿ/ԺՀՄԻԳ-ը հրապարակել է ՀՀ Սահմանադրության փոփոխությունների հանրաքվեի փորձագիտական խմբի վերջնական զեկույցը, որը բաղկացած է ութ բաժնից: Հայաստանը հրավիրել էր Եվրոպայում անվտանգության և համագործակցության կազմակերպության ժողովրդավարական հաստատությունների և մարդու գրասենյակին(ԵԱՀԿ/ԺՀՄԻԳ) 2015թ. դեկտեմբերի 6-ին տեղակայել Հանրաքվեի փորձագիտական խումբ (ՀՓԽ)՝ Սահմանադրական հանրաքվեի առավել համապարփակ դիտարկում անցկացնելու համար:

ԵԱՀԿ/ԺՀՄԻԳ զեկույցում նշվում է, թե սահմանափակ ներկայացվածության արդյունքում հանրաքվեի օրն առաքելության գործունեությունը հասկանալիորեն համակարգված բնույթ չի կրել։

Պետք է փաստել, որ զեկույցը զերծ չէ բացթողումներից: Մասնավորապես, զեկույցում տվյալներ են տեղ գտել, թե ԲՀԿ-ն խորհրդարանում ունի 37 մանդատ, ՕԵԿ-ը՝ 7, «Ժառանգությունը»՝ 5, ՀԱԿ-ը՝ 7, ՀՅԴ-ն՝ 6: Ինչպես տեսնում ենք` այս թվերը չեն համապատասխանում խորհրդարանում առկա իրական համամասնությանը, քանի որ մի շարք պատգամավորներ դուրս են եկել ԲՀԿ-ից` դառնալով անկուսակցականներ: Կուսակցություններից դուրս գալու դեպքեր գրանցվել են նաև ՀԱԿ-ում, «Ժառանգությունում» և ՕԵԿ-ում:

Ավելին՝ զեկույցում նշվում է, թե պաշտոնապես ՀՀԿ-ն կոալիցիայի մեջ է ՕԵԿ-ի հետ, իսկ մնացած կուսակցությունները ձևավորել են ընդդիմադիր խմբակցություններ: Պարզ է, որ զեկույցում նշված ինֆորմացիայի վաղեմության «ժամկետն անցել» է, քանի որ արդեն երկար ժամանակ է, ինչ ՕԵԿ-ը դուրս է եկել կոալիցիայից և իրեն դասում է ընդդիմադիրների շարքում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
Դիտվել է 599 անգամ
Մեկնաբանել

x

Արխիվ


Ամենաընթերցվածը

ամիս

շաբաթ

օր

Яндекс.Метрика
  Կայքը՝