168.am-ը գրում է.
Անցած շաբաթ օրը իտալացի 27-ամյա դերասան Ռաֆայել Շումախերը կոմայի մեջ է ընկել ներկայացման ժամանակ, որի ընթացքում հերոսը ինքնասպանություն է գործում: Այսօր բժիշկներն արձանագրել են նրա գլխուղեղի մահը:
Դերասանը կոմայի մեջ է ընկել բեմի վրա անհաջող տրյուկի կատարման ժամանակ, հայտնում է BBC-ն: Ինտերակտիվ ներկայացումն անցկացվել է Mirages թատրոնում: Տղան կարդացել է Ֆրանկ Վեդեկինդի «Գարնան արթնացումը» մենախոսությունը, սրահում ներկա է եղել ընդամենը 1 հանդիսական:
Ներկայացումն ավարտվել է նրանով, որ հերոսը որոշում է կախվել ու օղակն անցկացնում է վիզը: Կատարվում է հետաքննություն: Դերասանի մայրն ու ընկերները հերքում են ենթադրությունը, որ նա դիտավորյալ է ինքնասպան եղել:
Դերասանի ազգականները համաձայնել են նրա օրգանների փոխպատվաստմանը:
Նյութի աղբյուր՝ http://168.am/2016/02/05/591747.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել