Դինոզավրերի  այսքան հետաքրքիր լինելու պատճառներից մեկը նրանց հսկայական չափերն են. խոտակեր դիպլոդոկը և բրախիոզավրը կշռել են ավելի քան 50 տոննա, իսկ տիրանոզավր ռեքսը ունեցել է 7-8 տոննա քաշ: Բրածո մնացորդները վկայում են, որ ըստ տեսակների և ըստ առանձնյակների դինոզավրերը եղել են կենդանիների ամենահսկայական խումբը, որը երբևէ գոյություն է ունեցել Երկիր մոլորակի վրա (բացառությամբ որոշ հնագույն շնաձկների, հնագույն կետերի և ջրային սողունների, ինչպիսիք՝ իխտիոզավրն ու պլիոզավրն են, որոնց մարմնի հսկա զանգվածի շարժմանը օժանդակում էր ջրի արտամղիչ ուժը):

Այն, ինչ զվարճալի է դինոզավրերով հետաքրքվողների համար, հնագետներին և էվոլյուցիոն կենսաբաններին ստիպում է գլուխ ջարդել: Դինոզավրերի հսկայական չափերը պետք է ինչ-որ բացատրություն ունենան, և այդ բացատրությունը պետք է չհակասեն դինոզավրերի մասին հայտնի մյուս տեսություններին: Օրինակ՝ անհնար է քննարկել դինոզավրերի վիթխարի չափերը՝ առանց ուշադրություն դարձնելու տաքարյուն/սառնարյուն նյութափոխանակության տեսակների հետ կապված վեճերի վրա:

Այսպիսով, որո՞նք են այսօրվա դրությամբ դինոզավրերի չափերի պատճառների մասին եղած պատկերացումները: Ահա այդ պատճառներին քիչ թե շատ առնչվող տեսությունները:

Տեսություն N1: Դինոզավրերի չափերը պայմանավորված էին բուսական սննդով

Մեզոզոյան դարաշրջանի ընթացքում, որը ձգվում է Տրիասի ժամանակաշրջանի սկզբից (250 միլիոն տարի առաջ) մինչև դինոզավրերի ոչնչացումը Կավճի դարաշրջանի վերջում (65 միլիոն տարի առաջ), մթնոլորտում ածխածնի երկօքսիդի պարունակությունը շատ անգամ ավելի մեծ էր, քան այսօր: Եթե դուք հետևել եք գլոբալ տաքացման հետ կապված խնդիրների քննարկումներին, դուք պետք է որ իմանաք, որ ածխաթթու գազի քանակի ավելացումը ուղղակիորեն կապված է ջերմաստիճանի բարձրացման հետ: Սրանից հետևում է, որ միլիոնավոր տարիներ առաջ Երկիր մոլորակի կլիման շատ ավելի տաք էր, քան այսօր:

Ածխաթթու գազի (որը բույսերը կուտակում են սննդանյութերի ձևով) բարձր մակարդակի և բարձր ջերմաստիճանի այս համակցությունը ցույց է տալիս, որ նախապատմական աշխարհը ծածկված է եղել բազմատեսակ բուսականությամբ՝ խոտաբույսեր, ծառեր, մամուռներ և այլն: Էվոլյուցիայի ընթացքում զավրոպոդները հասել են իրենց մարմնի հսկայական չափերին երևի այն պատճառով, որ ունեցել են սննդի պակաս:  Սա բացատրում է նաև այն, թե ինչու տիրանոզավրերի և տերոպոդների որոշ տեսակներ այդքան մեծ են եղել. 50 ֆունտանոց  (մոտ 23 կգ) գիշատիչը ոչ մի հնարավորություն չէր կարող ունենալ 50 տոննա կշիռ ունեցող բուսակերի դեմ:

Տեսություն N2: Դինոզավրերի հսկա չափը ինքնապաշտպանության միջոց է

Եթե առաջին տեսությունը ձեզ թվում է մի փոքր պարզունակ, ձեր ինտուիցիան ձեզ չի խաբում. հսկա չափերով բուսակեր դինոզավրերի առկայությունը չէր կարող պատճառ հանդիսանալ նրանցով սնվող հսկա գիշատիչների առաջացմանը: Էվոլյուցիան ընթանում է տարբեր ուղիներով. դինոզավրերի հսկա չափերի  թերությունները (ինչպիսիք են օրինակ՝ դանդաղաշարժությունը և առանձնյակների թվի սահմանափակ լինելու անհրաժեշտությունը) կարող են հեշտությամբ գերազանցել սննդի հասանելի լինելու առավելությանը:

Հնագետները կարծում են, որ մարմնի վիթխարի չափերը դինոզավրերի համար էվոլյուցիոն առաջխաղացում են եղել: Օրինակ՝ իր հսկա չափերի պատճառով հադրոզավրերին պատկանող շանտունգոզավրը գիշատիչներից պաշտպանված էր: Այս տեսությունը նաև բացատրում է այն ենթադրությունը, որ տիրանոզավր ռեքսը սնվում էր մահացող կենդանիներով, այսինքն՝ ավելի հավանական է, որ ակիլոզավրը մահանում էր հիվանդությունից կամ ծերությունից, քան որ սպանվում էր տիանոզավրի կողմից:

Տեսություն N3: Դինոզավրերի հսկա չափերը սառնարյունության հետևանք էին

Այս տեսության մեջ ամեն ինչ մի փոքր ավելի բարդ է դառնում: Շատ հնագետներ, որոնք ուսումնասիրում են հսկա խոտակեր դինոզավրերին, գտնում են, որ այս կենդանիները սառնարյուն են եղել երկու պատճառով՝ նախ՝ հիմք ընդունելով այսօրվա մեր նյութափոխանակության մոդելը, եթե օրինակ մամենչիզավրը  լիներ տաքարյուն, այն կարտոֆիլի նման ներսից կեփվեր և միանգամից կոչնչանար, և երկրորդ՝ այսօր գոյություն ունեցող ոչ մի ցամաքային տաքարյուն կաթնասուն իր չափերով չի հասնում խոտակեր դինոզավրերին (փղերը ունենում են առավելագույնը մի քանի տոննա քաշ):

Ահա թե որտեղ է հսկայության առավելությունը: Գիտնականները կարծում են, որ եթե սավրոպոդը ունենար մարմնի սահմանափակ չափեր, հնարավոր է, որ այն դառնար հոմեոթերմ կենդանի (սա մարմնի ներքին ջերմաստիճանի հարաբերականորեն կայուն պահպանելու ընդունակությունն է՝ արտաքին միջավայրի փոփոխվող պայմաններում): Հենց այս պատճառով է, որ տան չափերի հասնող արգենտինոզավր կտաքանար արևի տակ և կսառչեր գիշերը շատ ավելի դանդաղ. սա կտար նրա մարմնին հարաբերականորեն կայուն ջերմաստիճան:

Խնդիրը նրանում է, որ սառնարյուն բուսակեր դինոզավրերի մասին եղած պատկերացումները հակասում են գիշատիչ տաքարյուն դինոզավրերի մասին եղած պատկերացումներին: Այնուամենայնիվ, անհնարին չէ, որ տաքարյուն տիրանոզավր ռեքսը գոյատևեր մեկ այլ սառնարյուն տիրանոզավրի կողքին. էվոլյուցիոն կենսաբանները կլինեին շատ ավելի երջանիկ, եթե բոլոր դինոզավրերը ունենային միատեսակ նյութափոխանակություն, նույնիսկ այն դեպքում, երբ այդ նյութափոխանակությունը լիներ մի ինչ-որ «անցումային» ձևի և ընդհանրապես նման չլիներ ժամանակակից կենդանիների նյութափոխանակությանը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել