Tert.am-ը գրում է.
Սիրիայի կառավարական բանակին, աշխարհազորայինների օգնությամբ, հաջողվել է փակել Թուրքիայից դեպի Հալեպի հյուսիս եկող այն ուղիները, որոնց միջոցով իսլամիստներին զինամթերք և նոր գրոհայիններ են ուղարկվել։ Այդ մասին «ՌԻԱ Նովոստի» գործակալությանն ասել է աշխարհազորայիններից մեկը։
Մասնավորապես՝ փակվել են Մաեր-Անդան և Աազազ-Հալեպ մայրուղիները։ Այժմ Սիրիայի կառավարական զորքերը շարունակում են իրենց գրոհը` Հալեպ քաղաքի հյուսիսային հատվածից շարժվելով դեպի թուրքական սահման։
Աղբյուրի փոխանցմամբ՝ մարտերն ընթանում են շուրջ 3 տարի շրջափակման մեջ գտնվող Նուբել և ազ-Զախրա քաղաքների մատույցներում։ Նշվում է նաև, որ իսլամիստ գրոհայինների դեմ ուղղված ավիահարվածներին մասնակցում է ռուսական օդուժը: Զինվորականների խոսքերով՝ ահաբեկիչները խմբերով փախուստի են դիմում հարձակման թիրախում հայտնված բնակավայրերից։
