Քասախ գյուղում եռահարկ տուն է այրվել (լուսանկարներ)

Tert.am-ը գրում է.

ՀՀ տարածքային կառավարման և արտակարգ իրավիճակների նախարարություն փետրվարի 2-ին, ժամը 20.23-ին ահազանգ է ստացվել, որ Երևանի Հույսի ավանում այրվում է երեք հարկանի սեփական տուն:

Դեպքի վայր են մեկնել երկու մարտական հաշվարկ և ՃԿԱԿ ԱԻ արձագանքման և օպերատիվ խմբերը:

Կանչը բարձրացվել է «Բիս-1» բարդության աստիճանի: Դեպքի վայր են մեկնել ևս երկու մարտական հաշվարկ:

Պարզվել է, որ հրդեհը բռնկվել է Կոտայքի մարզի Քասախ գյուղի Մկրտչյան փողոցի տներից մեկում:

Հրդեհը մեկուսացվել է ժամը 21.04-ին, մարվել՝ 21.25-ին: Տան 1-ին հարկում այրվել է սենյակը` նախամուտքով (45 քմ), 8 եվրոպատուհան, իսկ 2-րդ հարկում` 20 քմ տարածքում՝ պահեստավորած պոլիեթիլենային տոպրակի պարկեր: