Տեղական արտադրանքի խթանման, արտադրողների միջև փորձի փոխանակման և ճանաչելիության բարձրացման համար շատ կարևոր է մասնակցել միջազգային տարբեր հարթակներում կազմակերպվող ցուցահանդեսներին, միջոցառումներին և կոնֆերանսներին:
Այս օրերին Մոսկվայում տեղի է ունենում «MOSSHOES 2016» միջազգային մասնագիտացված ցուցահանդեսը, որին մասնակցում են նաև հայկական յոթ ընկերություններ:
Ընդանուր առմամբ ցուցահանդեսին մասնակցում են կոշիկ և կաշվե պարագաներ արտադրող ավելի քան 500 առաջատար ընկերություններ շուրջ 30 երկրներից, իսկ ցուցահանդեսի միջին այցելությունը կազմում է 10-12 հազար մարդ, որը հիմնականում կազմված է մասնագետներից, առևտրային ցանցերի ներկայացուցիչներից ու մեծածախ գնորդներից:
Սպասվում է, որ այս ցուցահանդեսի շրջանում կկազմակերպվի
հատուկ գործարար ծրագիր, որը մասնակիցներին հնարավորություն կտա ստանալ մասնագիտական աջակցություն և ընդլայնել արտահանման հնարավորությունները: