Հայաստանում գործում է 340 հազար գյուղացիական տնտեսություն: Դրանց փոքր չափերը, գյուղատնտեսական մթերքի արտադրության և իրացման դժվարությունները հնարավորություն չեն տալիս արդյունավետ գյուղատնտեսություն վարելու:
Որպես օրինակ կարելի է բերել ՌԴ շուկայում գյուղատնտեսական ապրանքների բացը, որը կարող էին լրացնել հայ արտադրողները: Պետությունը պատրաստ է աջակցել, սակայն գյուղացիական տնտեսությունների փոքր լինելն այս պահին ծառայում է որպես խոչընդոտ, և հարցը կարող է լուծվել երկարաժամկետում:
Այս իրավիճակում հարկավոր է մեխանիզմներ մշակել կոոպերացիայի զարգացման ուղղությամբ:
Խնդրի լուծման համար օրեր առաջ գործադիր մարմինը հավանության արժանացերց «Գյուղատնտեսական կոոպերատիվների մասին» ՀՀ օրենքի նախագիծը:
Միջազգային փորձի հիման վրա մշակված նախագիծը հնարավորություն կտա խթանել գյուղատնտեսական կոոպերատիվների ձևավորումը, բարձրացնել գյուղացիական տնտեսությունների գործունեության արդյունավետությունը, տնտեսվարողների մրցունակությունը, ինչպես նաև երկրի պարենային անվտանգության մակարդակը:
Նյութի աղբյուր՝ https://www.facebook.com/permalink.php?story_fbid=1515790308720517&id=100008686862291&__mref=message_bubble
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել