Բնությունը չունի վատ եղանակներ. ասվում է հայտնի ֆիլմի երգում ու գալիս ապացուցելու, որ նույնիսկ ամենացրտաշունչ եղանակն էլ իր գրավչությունն ունի` ձմեռային մարզաձևերի առումով:
Էքստրիմ, արագություն, վախ, հաղթանակ. շատ մարզիկների հավաստմամբ` այս զգացողություններն առաջանում են նրանց մոտ, ովքեր զբաղվում են ձմեռային մարզաձևերով:
Ձմեռը հայերիս համար ասոցացվում է հիմնականում ձյան ու ձնագնդիկ խաղալու, երբեմն էլ` սահնակով կամ չմուշկով սահելու հետ: Ձմեռային տասնյակ սպորտաձևեր են հայտնի, մի մասը` տարածված, մի մասը` վտանգավոր, մի քանիսն էլ ավելի անվտանգ: Բայց շատերիս համար ձմեռային մարզաձևերն այդպես էլ մնում են երազանք, քանի որ ուղղակի վախենում ենք զբաղվել դրանցով կամ էլ բավարար տեղեկացված չենք դրանցից: Արտասահմանցի շատ հայտնիների համար ձմեռային սպորտը վաղուց ոչ միայն իրենց կենսակերպի մասն է, այլև առողջությունը կոփելու և մարզվելու միջոց, մինչդեռ մեզ մոտ այն դեռ այնքան էլ տարածված չէ: Դե ինչ, կարծում եմ, արդեն ժամանակն է, որ դու էլ ընտրես քո սիրած սպորտաձևը, իսկ մենք կփորձենք օգնել քեզ այդ հարցում:
Սահնակ
Յուրաքանչյուրս էլ գոնե մեկ անգամ սահնակ նստած կլինենք: Եվ ի՜նչ հաճույք, երբ սառը քամին «շոյում» և ամեն կողմից «կսմթում» է դեմքդ: Շատերիս համար ձմեռային սպորտաձևերի հետ ծանոթությունը հենց սահնակից էլ սկսվում է:
Սահնակը բավականին հին պատմություն ունի: Դրանով են տեղաշարժվել Հին Հունաստանում և Ռուսաստանում: Այսօր սահնակի «համբավն» այնքան մեծ է, որ այն ընդգրկված է Ձմեռային օլիմպիական մրցումների ցանկում: Սահնակով սահելն այնքան էլ հեշտ գործ չէ, և անգամ սահնակ քշող պրոֆեսիոնալները կհավաստեն, որ այն համարձակ, ճկուն և շուտ կողմնորոշվող մարդկանց սպորտաձև է:
Իհարկե, սահնակ քշելիս պետք է շատ զգույշ լինել, չտարվել միայն սահելու հաճույքով` հնարավոր վնասվածքներից խուսափելու համար:
Չմուշկներ
Գեղասահքը սպորտաձևերից ամենագեղեցիկն է: Հազվագյուտ մարդիկ միայն այն չեն համարում արվեստ: Որպես սպորտաձև այն ճանաչվել է միայն 19-րդ դարի վերջին, սակայն հնագետները հայտնաբերել են բրոնզե դարաշրջանի չմուշկներ` պատրաստված խոշոր կենդանիների ոսկորներից: 12-15-րդ դարերում ոսկորը փոխարինվեց երկաթյա սայրով:
Չպետք է կարծել, թե չմուշկներով սահելը բավականին հեշտ է և անվտանգ, այն հագնելիս պետք է հիշել, որ ամեն դեպքում գործունես սայրի և սառույցի հետ:
Մեր քաղաքում էլ կան չմուշկներով սահելու բազմաթիվ վայրեր, կարծում եմ` դրանք կարող են դառնալ ձմեռային հանգիստը կազմակերպելու, միաժամանակ մարզվելու հիանալի վայր:
Շարունակությունն` այստեղ