Replik.am-ը գրում է.
Ահաբեկիչներն օգտագործել են Ռուսաստանի և Թուրքիայի միջև առկա առանց վիզային ռեժիմը, որպեսզի տեղաշարժվեն Ռուսաստանի տարածքում: Նման հայտարարությամբ Փարիզում կլիմայի հարցերով կոնֆերանսում իր ելույթի ժամանակ հայտարարել է Ռուսաստանի Դաշնության նախագահ Վլադիմիր Պուտինը:
«Կան խնդիրներ, որոնք առաջացել են վաղուց, և որոնք մենք փորձում էինք լուծել մեր գործընկերների հետ երկխոսությամբ: Օրինակ` մենք վաղուց խնդրել ենք ուշադրություն դարձնել այն բանի վրա, որ ահաբեկչական խմբավորումների ներկայացուցիչները փորձում են մեզ հետ զենքերը ձեռքներին կռվել Ռուսաստանի տարածքում, օրինակ` Հյուսիսային Կովկասում: Եվ այդ ահաբեկիչները գալիս են Թուրքիայից: Մենք խնդրել էինք դադարեցնել այդ պրակտիկան»,-ասել է Պուտինը:
ՌԴ նախագահը հավելել է, որ Թուրքիայում գտնվող ահաբեկիչները տեղակայված են հատուկ ծառայությունների կողմից պահպանվող տարածքներում և առանց վիզային ռեժիմից օգտվելով թափանցում են Ռուսաստան:
Նա նաև ափսոսանք է հայտնել, որ Անկարան, չնայած ռուսական կողմի կոչերին, ոչ մի քայլ չի ձեռնարկել իրավիճակը կարգավորելու համար:
