Արդեն մի քանի օր է, ինչ տարբեր լրատվական կայքեր գրում են ինչ-որ սոցիոլոգիական հարցման արդյունքների մասին, որն անցկացրել են բնակչության շրջանում:
Ըստ հարցման արդյունքների՝ Սահմանադրական բարեփոխումների նախագծին բնակչության մոտավորապես 90 %-ը ՈՉ է քվեարկելու, իսկ 3%-ն՝ ԱՅՈ:
Հարգելիներս, նախ սոցիոլոգիան լուրջ գիտություն է, իսկ սոցհարցում իրականացնելը՝ պրոֆեսիոնալ աշխատանք: Սոցհարցում իրականացնել չի նշանակում մեկ-երկու կանգնածներին հարցնել, թե այս կամ այն հարցի մասին ինչ կարծիք ունեն, վերցնել ու ներկայացնել որպես հասարակության պատկեր:
Հիմա նույն տրամաբանությամբ ես կարող եմ դուրս գալ մոտակա կանգառ, վերցնել թուղթ ու գրիչ և այդտեղ կանգնած հինգից վեց մարդուն հարցնել, թե որ ընկերության կաթնամթերքից են օգտվում ու դա պրոյեկտել ամբողջ հանրության վրա:
Ինձ մի հարց է հետաքրքրում՝ ինչքան պետք է անլուրջ լինել, որ սիրողական բնույթի հարցախույզի արդյունքը որպես սոցիոլոգիական հարցում ներկայացնել:
