Աուտիզմով տառապող Ռամզես Սանգուինո անունով 5-ամյա տղան, ով ապրում է Կալիֆորնիայի Լոս Անջելես բնակավայրում, նեյրոգիտնականների կողմից նկարագրվում է որպես «մոլորակի ամենախելացի 5-ամյա երեխաներից մեկը»։ Նրա դեպքը շփոթեցնում ու զարմանքի մեջ է գցում մասնագետներին։
Տղայի մայրը՝ Նիքս Սանգուինոն, ասում է, որ իր տղան կարողանում է խոսել եբրայերեն, հունարեն, արաբերեն ու ճապոներեն։ Մայրն ասում է, որ Ռամզեսը կարողանում է նաև քառակուսի արմատներով հանրահաշվական խնդիրներ լուծել և ճշգրտորեն նկարել ողջ պարբերական աղյուսակը։
Նույնիսկ երբ նա դեռ շատ փոքր էր, խաղալիքներով խաղալու փոխարեն նա սիրում էր կարդալ։ Նա սկսեց կարդալ, երբ 12 ամսական էր և կարողանում էր անգլերեն, իսպաներեն, հունարեն և որոշ ճապոներեն բառեր արտաբերել։
Լեզուներից որոշները ես եմ սովորեցրել նրան, սակայն գաղափար չունեմ, թե ինչպես է նա մինչև երեք տարեկանը սովորել հինդի, արաբերեն կամ եբրայերեն։ Հնարավոր է՝ տան համակարգչից, որը հաճախ միացված էր մնում։
Ես չգիտեմ, թե ինչպես բացատրեմ սա։ Հույս ունեմ՝ Պրոֆեսոր Փաուելն ի վերջո կկարողանա որոշ պատասխաններ գտնել։
Պրոֆեսոր Դայանա Փաուելը նեյրոգիտնական է և Հարվարդի բժշկական դպրոցի նախկին անդամ։ Երբ տղայի մասին տեսանյութերը հայտնվեցին համացանցում, պրոֆեսորն անմիջապես հետաքրքրվեց նրանով և սկսեց երեխայի տելեպատիկ կարողությունների հետազոտությամբ զբաղվել։
Հետազոտությունն արդեն իսկ ցույց է տվել, որ Ռամզեսը խորը, ոչ վերբալ հաղորդակցության ճանապարհ է օգտագործում, որը ներթափանցում է մարդկանց միտք։ Շատ փորձարկումներ ցույց են տվել, որ Ռամզեսը կարողանում է մտքեր կարդալ, հատկապես՝ մոր մտքերը։
Փորձերից մեկի ժամանակ նրա մայրը թվեր է գրել ու մտածել այդ թվերի մասին, երբ պրոֆեսոր Փաուելը խնդրել է Ռամզեսին կարդալ մոր միտքն ու գուշակել թվերը, տղան ամեն անգամ հաջողությամբ ասել է այդ թվերը։ Մեկ այլ փորձի ժամանակ տղային հաջողվել է պրոֆեսորի կողմից իր տեսադաշտից փակած 17 թվերից 16-ը հաջողությամբ գուշակել։
Պրոֆեսոր Փաուելը հաստատում է, որ տղայի մասին համացանցում հայտնված տեսանյութերն իրական են։ Նա կարծում է, որ տղան սովորել է հարմարվել իր աուտիզմին՝ հաղորդակցության այլընտրանքային տարբերակներ գտնելով։ Աուտիկ երեխաները մյուս երեխաների նման չեն հաղորդակցվում, և սա ստիպում է նրանց շփման ու սովորելու այլ տարբերակներ գտնել։
Փաուելը նշել է.
Ես շատ աուտիկ երեխաների մասին եմ լսել, ովքեր իբր տելեպատիկ կարողություններով են օժտված, և ցանկանում էի ինքս տեսնել՝ արդյո՞ք հնարավոր է դա որևէ ձևով չափել և փորձարկել հսկողության պայմաններում։
Ռամզեսը պրոֆեսորի հետ բոլոր երեք հանդիպումների ընթացքում տելեպատիկ կարողություններ է ցուցաբերել, որոնք Փաուելի պնդմամբ զարգացել են երեխայի մոտ՝ իր աուտիկ վիճակի բարդությունների հետ մեկտեղ մոր հետ հաղորդակցվելու ցանկության շնորհիվ։
Ես վստահորեն կարող եմ ասել, որ տելեպատիան գոյություն ունի, այնպես, ինչպես շատ բաներ, որոնք ընդունվել են գիտության կողմից։ Ես 100 տոկոս վստահությամբ չէի ասի, եթե դրա փաստացի վկայությունը տեսած չլինեի։
Պրոֆեսորը պնդում է, որ, որպես նեյրոգիտնական, գործ է ունեցել տելեպատիկ կարողություններով օժտված 7 տարբեր մարդկանց հետ։
Շատ գիտնականներ չեն հավատում տելեպատիայի իրական լինելուն, սակայն ես առանձին հանդիպել եմ շատ մարդկանց, ովքեր ասել են, որ երբեք հասարակայնորեն չեն ասի, որ հավատում են տելեպատիային, սակայն նշել են, որ դրա փորձառությունն ունեցել են կամ ականատես են եղել դրան։
Նրանցից շատերն ասել են, որ դրա մասին չխոսելու պատճառն այն է, որ նրանք վախենում են խելագարի տպավորություն թողնել կամ նույնիսկ կորցնել իրենց աշխատանքը։
Այժմ Ռամզեսի մայրը երեխային կրթում է տան պայմաններում, որովհետև սովորելու նրա մեթոդները տարբերվում են, և նա առաջ է անցնում մյուս աշակերտներից։
Նա մաթեմատիկական հարցեր է տալիս իր հասակակիցներին, ում հետ խաղում է, և հաճախ նրան դժվար է ընկերներ գտնել։ Ես անհանգստանում եմ, որ նա ի վերջո միայնակ կմնա։
Պրոֆեսոր Փաուելը նշել է.
Ռամզեսին անհրաժեշտ է տեղավորել հատուկ աշակերտների համար նախատեսված դպրոցում, որտեղ նրանք կարող են օգագործել իրենց ինտելեկտը և բացահայտել իրենց ողջ ներուժը։
Նրա մայրը նույնպես ցանկանում է ընդլայնել տղայի մտքի հորիզոնները և հույս ունի, որ մի օր իր տղան կփոխի աշխարհը։
Ես իսկապես հույս ունեմ, որ մի օր Ռամզեսը կգտնի քաղցկեղի բուժումը կամ դրա նման մի մեծ բան։ Նա այնքան խելացի է, որ դա երբեմն վախեցնում է ինձ։
Ես ցանկանում եմ, որ նա ստանա լավագույն կրթությունն ու երջանիկ լինի։