Tert.am-ը գրում է.
Կամերունի հյուսիսային Ֆոտոկոլ քաղաքում ահաբեկչություն է տեղի ունեցել: Ինչպես հաղորդում է ТАСС գործակալությունը` այս մասին հայտնել են աֆրիկյան երկրի զինված ուժերի աղբյուրները:
Վերջիններիս տվյալներով` մահապարտ ահաբեկչի իրականացրած պայթյունի հետևանքով առնվազն 10 մարդ զոհվել է:
Դեռևս ոչ ոք չի ստանձնել ահաբեկչության պատասխանատվությունը, սակայն դիտորդները կարծում են դա «Բոկո Հարամ» արմատական խմբավորման ձեռքի գործն է, որը պարբերաբար դիվերսիաներ է իրականացնում Նիգերիայի հյուսիսարևելյան շրջաններում, ինչպես նաև հարևան երկրների հետ սահմանամերձ գոտիներում:
Նշենք, որ «Բոկո Հարամը, ձգտում է իսլամական խալիֆայություն ստեղծել և շարիաթի (իսլամական օրենք) կանոններ սահմանել Նիգերիայում:
Հիշեցնենք, որ այս տարվա մարտին խմբավորումը հավատարմության երդում է տվել ԻՊ-ին: