Tert.am-ը գրում է.
ԱԺ «Հանրապետական» խմբակցության պատգամավոր Լեռնիկ Ալեքսանյանը Tert.am-ի հետ զրույցում տեսակետ հայտնեց, թե քարոզարշավին մասնակցելով՝ հասկացել է, բավական շատ են «այո»-ի կողմնակիցները:
«Որևէ խնդիր չկա, օր օրի ավելանում են «այո»-ի կողմնակիցները, երբ հիմնավորում ես, բացատրում ես, և իրենք կողմնորոշվում են»,- ասաց նա:
Ըստ պատգամավորի՝ բոլորը տրամադրվածեն, որ այս ընտրությունը պետք է անցնի շատ արդար, մաքուր, թափանցիկ ու հրապարակային:
«Մեր կուսակցության վերնախավն այն ուղղությամբ է գնում, որ ինչքան հնարավոր է այս ընտրություններն անցնեն թափանցիկ, հրապարակային, և սև բիծ չլինի, որովհետև սա այն փաստաթուղթը չէ, որը կարելի է այս ձևով ընդունել: Թեկուզ մի քիչ «այո»-ներով, շատ ավելի դրական է, քան թե «այո»-ների քանակը շատ լինի, բայց լեգիտիմության պակաս ունենա: Այսինքն՝ մենք աշխատում ենք, և դա հիմնական սկզբունքն է, լինի ինչքան հնարավոր է մաքուր ու թափանցիկ»,- ասաց նա:
Իսկ կարծիքին, թե եթե ընտրողների ցուցակները հրապարակեն ավելի թափանցիկ չի լինի, Լեռնիկ Ալեքսանյանը նշեց թե իհարկե տեխնիկապես դա հնարավոր է անել, սակայն դրանով խախտվում է մարդու իրավունքը: « Իրոք մարդը չի ուզում իր անունը հրապարակեն, իր իրավունքն է կգնա ընտրության, թե՝ ոչ, ընտրել է, թե՝ ոչ: Եթե ցուցակները հրապարակվեն դա բան չի տալու»,- ասաց նա: