Իրաքյան Սինջար քաղաքում, որն օրեր առաջ ազատագրվել էր «Իսլամական պետություն» խմբավորման գրոհայիններից, 2 զանգվածային գերեզմանոց է հայտնաբերվել` շուրջ 130 մարմնով:
Ինչպես հաղորդում է РИА Новости-ն` CBS հեռուստաընկերությանը հղումով, գերեզմանոցներից մեկը գտնվում է քաղաքի արևմտյան հատվածում` տեխուսումնարանի հարևանությամբ: Այնտեղ 78 տարեց կանանց դի է հայտնաբերվել:
Երկրորդ գերեզմանը, որտեղ 50-60 երեխայի և մեծահասակի դի է հայտնաբերվել, գտնվում է քաղաքից 15 կմ հեռավորությամբ:
Տեղի հետախուզական ծառայության ներկայացուցիչը հայտնել է, որ այս մարդկանց գնդակահարել և թաղել են անցյալ տարի քաղաքը գրավելու ժամանակ:
Նյութի աղբյուր՝ http://www.tert.am/am/news/2015/11/16/grave/1845832
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել