Չոր մաշկի համար. սև և դառը սուրճը խմելուց հետո նստվածքը հավաքեք, մի պտղունց աղ ավելացրեք, նույնքան դարչինի փոշի, 1 ճ/գ ցանկացած բուսական յուղ, 1 թ/գ շաքարավազ: Լավ խառնեք, տրորեք և թեթևակի մերսումներով նրբորեն քսեք դեմքին: 10 րոպեից հետո լվացվեք ոչ շատ տաք ջրով: Չոր մաշկը մաքրում է` հեռացնելով թեփը:

Արագ և էֆեկտիվ

Այս դիմակը կարող եք պատրաստել այն ժամանակ, երբ շտապ Ձեզ կարգի բերելու և լավ տեսք ունենալու խնդիր ունեք: Խմած դառը սուրճի փոքր-ինչ ջրիկ նստվածքը խառնեք 1 թեյի գդալ ալյուրի աստիճան փոշիացված ընկույզի հետ: Լավ խառնեք, ապա նուրբ հարվածային շարժումներով քսեք դեմքին: Պահեք 10-15 րոպե, լվացվեք գոլ ջրով: 

Հնդկական սկրաբ

1 ճ/գ բնական մեղրը, կես թեյի գդալ կերակրի աղը խառնեք, շրջանակաձև նուրբ մերսումներով քսեք մաքուր մաշկին: 2 րոպե պահելուց հետո տաք ջրով լվացվեք:

Հարավ-արաբական սկրաբ


Կես բաժակ հում բրնձի և կես բաժակ հում-չբոված սուրճի հատիկները աղալ, փոշիացնել, ավելացնել 1 բաժակ կեֆիր կամ յոգուրտ: Խառնել և մերսումներով քսել մաքուր դեմքին, պարանոցին, ամբողջ մարմնին: Սուրճը արժեքավոր եթերայուղեր և էնզիմներ է պարունակում, իսկ բրինձը փափկեցնում-հարթեցնում է մաշկը: 

Սուրճի լիկյոր 

Եփել 300 մլ սև սուրճը (50 գրամ), ծածկել կափարիչով, թողնել 24 ժամ։ Պատրաստել թունդ օշարակ (500 գրամ շաքար, 300 մլ ջուր): Օշարակի մեջ ավելացնել 1 կիտրոնի հյութ, սուրճի քամված եփուկը և 500 մլ կոնյակ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել