Tert.am-ը գրում է.
Կանանց` հիվանդությունից մահացության շրջանում մեծ է արգանդի վզիկի քաղցկեղից մահացողների ցուցանիշը: Ըստ Healthy food team-ի բերած տվյալների` այս քաղցկեղի ավելի քան13 000 դեպք է գրանցվում ամեն տարի: Ցավոք, արգանդի քաղցկեղը վառ արտահայտված ախտանիշեր չի ունենում հիվանդության վաղ շրջանում: Ինչևէ, բժիշկներն զգուշացնում են ուշադիր լինել որոշ ախտանշանների պարագայում և բուժզննում անցնել:
1. Ցավ ոտքերում
Քաղցկեղի զարգացման վաղ փուլում մի շարք կանայք բողոքում են ոտքերի ցավից և այտուցվելուց: Դա պայմանավորված է արգանդի վզիկի այտուցմամբ, որը խոչընդոտում է արյան բնականոն շրջանառությանը, ինչի հետևանքով էլ այտուցվում են ոտքերը:
2. Միզուղիների խնդիրներ
Արգանդի վզիկի քաղցկեղը հնարավոր է հայտնաբերել մեզի սովորական հետազոտությամբ: Սակայն երբ այս եղանակով այն հայտնաբերվում է, նշանակում է, որ արդեն 4-րդ փուլում է և տարածվել է միզապարկի վրա` խոչընդոտելով այդ օրգանի աշխատանքը: Այս պարագայում տարածված ախտանշանն է միզելու ժամանակ այրոցի զգացումը:
3. Արյունահոսություն սեռական ակտից հետո
Ցանկացա տիպի արյունահոսության դեպքում, որը տեղի է ունենում ոչ դաշտանային ցիկլի ժամանակ, անհրաժեշտ է այցելել մասնագետի: Քաղցկեղի ձևավորման առաջին փուլում քաղցկեղային բջիջները կարող են տարածվել վզիկի մակերեսին կամ ավելի խորը` ցավ ու արյունահոսություն առաջացնելով: