Tert.am–ը գրում է.
The Independent-ը հայտնում է, որ օգտատերերի անձնական պրոֆիլները Facebook սոցիալական ցանցում առաջիկայում բոլորովին այլ տեսք կունենան:
Facebook-ը ռեդիզայնի ու փոփոխությունների նոր շարք է սկսել: Դրանց շրջանակներում մասնավորապես օգտատիրոջ անձնական անկետայի լուսանկարը շուտով կլինի ոչ թե պարզապես լուսանկար, այլ տեսանյութ:
Պրոֆիլի տեսաավատարները «կմիանան» ամեն անգամ, երբ որևէ մեկը կմտնի մեր անձնական էջ, կնայի մեր գլխավոր լուսանկարը:
Առայժմ այդ փոփոխությունները կվերաբերեն միայն բջջային կապով էջերի դիտմանը:
Դրանից բացի` օգտատերերը կկարողանան բեռնել նկարներ` ի սատարում իրենց սիրելի մարզական թիմերի՝ մեծ մրցումներից մեկ շաբաթ առաջ: Կամ, օրինակ, «հետահայաց» շնորհավորես որևէ մեկի ծնունդը:
Կհայտնվի նաև Bio («կենսագրություն») դաշտը, որոնցում, իրենց հիմնական տվյալներից բացի, մարդիկ կկարողանան գրել իրենց համառոտ կենսագրականը:
Facebook-ի մյուս փոփոխությունների շրջանակներում լուսանկարները և «ընդհանուր ընկերները» էջերում ավելի վեր կբարձրանան: Իսկ պրոֆիլի լուսանկարները և վիդեոները կհայտնվեն էջի կենտրոնում:
Առաջին փորձարկումները կկատարվեն Կալիֆոռնիայում և Մեծ Բրիտանիայում iPhone-ների օգատատերերի վրա: