Tert.am–ը գրում է.
Ռուսական ամենախոշոր «Аэрофлот» ավիաընկերությունը դադարեցրել է Ուկրաինա տոմսերի վաճառքը սկսած հոկտեմբերի 25-ից, հաղորդում է РИА Новости-ն:
Ընկերության ներկայացուցիչը պաշտոնապես չի մեկնաբանել այդ տեղեկությունը:
Ավելի վաղ Ուկրաինան տեղեկացրել է ռուսական ավիաընկերություններին պատժամիջոցներ սահմանելու մասին: Իր հերթին Ռուսաստանի վարչապետ Դմիտրի Մեդվեդևը հանձնարարել է տրանսպորտի նախարարությանը քննարկել Ուկրաինայի ավիափոխադրողների նկատմամբ սահմանափակող պատասխան միջոցներ կիրառելու հնարավորությունը:
Ուկրաինական իշխանությունները սեպտեմբերի 16-ին պատժամիջոցներ են սահմանել 25 ռուսական ավիաընկերությունների նկատմամբ, որոնց թվում է նաև «Аэрофлот»-ը: Ուկրաինայի կառավարությունը սեպտեմբերի 25-ին հայտնել է, որ հոկտեմբերի 25-ից արգելք է սահմանում Ուկրաինա ռուսական ավիաընկերությունների թռիչքների համար:
