Մինչ ադրբեջանական ԶԼՄ-ները գրում են «Իսլամական պետություն» ահաբեկչական կառույցի՝ Բաքվում հայտնվելու վտանգի մասին, այն կարծես թե արդեն սկսել է նաև իր բացահայտ գործունեությունն Ադրբեջանական Հանրապետության տարածքում: 

Համենայն դեպս, այդ մասին է վկայում ֆեյսբուքյան տիրույթում գործող «Առան ալ-Իսլամիյյա» («Իսլամական Առան») կազմակերպության էջը, որի տարածած նյութերի համաձայն՝ իրեն կառույցի էմիր հռչակած ոմն Աբու Մուհամմադ ալ-Ազերի հավատարմության երդում է տվել «Իսլամական պետության» առաջնորդին: 

Դատելով կազմակերպության անվանումից և դրա կողմից տարածված հայտարարություններից՝ վերջինս Ադրբեջանի ներկայիս տարածքը կոչում է միջնադարյան մահմեդական աղբյուրներում վկայված Առան ձևով և այն դիտարկում որպես «խալիֆայության» մաս: 

Նկարում՝ «Առան ալ-Իսլամիյյա» կառույցի ֆեյսբուքյան էջը:
 
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել