1. Ապրիր ներկայով` ուղղելով անցյալի սխալները և մտածելով ապագայի մասին:
2. Նույնիսկ շատ բան կորցնելու դեպքում գնահատիր այն, ինչ մնացել է, որ հետո կարիք չլինի դրանք էլ ետ բերել:
3. Պահպանել հավատարմությունն արժանիք է, ճաշակելը` պատիվ:
4. Գիտելիքները մարդուն կշիռ են տալիս, իսկ արարքները` փայլ: Սակայն մարդկանց մեծամասնությունը կարողանում է միայն փայլել, բայց ոչ կշռադատել:
5. Ինչպե՞ս կարող ենք պահանջել, որ մեկ ուրիշը մեր գաղտնիքը պահի, երբ ինքներս պահել չգիտենք:
6. Ով չի կարողանում խնայել քիչը, նա չի կարող նաև պահել շատը:
7. Մարդը կարող է ապրել իբրև արքա կամ իբրև դատավոր, բայց նա պետք է մեռնի իբրև մարդ:
8. Խորհուրդ տալուց առաջ ինքդ հավատա և կիրառիր ասածդ, այլապես դա ոչ մեկին պետք չի գա:
9. Դիմացինիդ տրամադրությունը մի՛ դատիր նրա դեմքի արտահայտությունից:
10. Երբեմն ժպտացողն ավելի տխուր է, քան բարձրաձայն հեկեկացողը:
11. Սերն ու ատելությունը հաճախ խանգարում են անաչառ դատողությանը:
12.Աշխատանքը չի խայտառակում մարդուն, դժբախտաբար պատահում են աշխատանքը խայտառակող մարդիկ:
13. Միայն աշխատանքի վերջում ենք մենք սովորաբար իմանում, թե ինչից էր պետք այն սկսել:
14. Խիղճը պատժում է հաճախ նույնիսկ այնտեղ, որտեղ օրենքը դա չի անում:
15. Այն կարծիքները, որոնք մենք հայտնում ենք ուրիշների վերաբերյալ, վկայում են այն մասին, թե ինչ ենք մենք մեզանից ներակայացնում:
16. Երբ արհամարհանքը փոխադարձ է, մի արհամարհանքը չի ոչնչացնում մյուսին, այլ միայն կրկնապատկում է այն:
17. Երաժշտությունը մտածել չի կարող, բայց նա կարող է մարմնավորել միտքը:
18. Մարդը միայն իր պատկերացումների մեջ է ամենադժբախտը և ամենաբախտավորը:
19. Բացատրվել կարելի է նրանց հետ, ովքեր խոսում են ուրիշ լեզվով, միայն ոչ նրանց հետ, ովքեր նույն բառերի մեջ բոլորովին այլ իմաստ են դնում:
20. Մարդկանց նախատելու իրավունք ունենալու և ապա նրանց ուղղելու համար պետք է նախ և առաջ սիրել մարդկությունը:
21. Նա չէ երջանիկ, ով այդպիսին է թվում ինչ-որ մեկին, այլ նա, ով իրեն զգում է այդպիսին:
22. Դժվար է հավատալ, որ մարդը ձեզ ճշմարիտն է ասում, երբ դուք գիտեք, որ նրա տեղը կստեիք:
23. Ծուլությունը մեր այն արատներից է, որի հետ մենք հաշտվում ենք ամենից հեշտ:
24. Մեկն առաջին շարքում անգույն է, սակայն երկրորդում փայլում է:
25. Ավելի լավ է քիչ հասկանալ, քան հասկանալ ոչ ճիշտ:
26. Տաղանդը բաղկացած է մեկ երրորդ բնազդից, մեկ երրորդ հիշողությունից ու մեկ երրորդ կամքից:
27. Մենք միշտ սիրում ենք նրանց, ովքեր հիանում են մեզանով, բայց միշտ չէ, որ սիրում ենք նրանց, որոնք մեզ են հիացնում:
28. Վստահությունն արիություն է, հավատարմությունը` զորություն:
29. Խանդն արվեստ է չարիք պատճառելու ավելի շատ ինքն իրեն, քան ուրիշներին:
30. Ամենախելոքը լինելու ցանկությունը ամենամեծ տխմարությունն է:
31. Մարդուն չի կարելի չափել արշինով: Հաճախ մեծ խելքը տեղավորվում է փոքր գլխում:
32. Առողջ մուրացկանը հիվանդ թագավորից երջանիկ է:
33. Չպետք է վիրավորվել նրանցից, ովքեր մեզանից թաքցնում են ճշմարտությունը, քանի որ ինքներս էլ հաճախ մեզանից թաքցնում ենք այն:
34. Մենք հեշտությամբ մոռանում ենք մեր սխալները, երբ նրանք հայտնի են լինում միայն մեզ:
35. Եթե չի կարելի չխոսել այն մասին, ինչի մասին որ ասել են նախկինում ուրիշները, ապա պետք է փորձել ասել այդ նրանցից ավելի լավ:
36. Բավական չէ առողջ միտք ունենալ, կարևորը դրանից հմտորեն օգտվելն է:
37. Որոշ մարդիկ գերադասում են իրենք իրենց մասին բացասական բաներ ասել, միայն թե իրենց մասին խոսեն:
38. Սերը միայն հասկանում է նա, ով ապրել է այն:
Նյութի աղբյուր՝ http://www.facebook.com/vigen.zargaryan/posts/471359979569077
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել