1944 թ.–ին՝ Երկրորդ համաշխարհային պատերազմի ժամանակ, ամերիկացիները գրոհել էին խաղաղօվկիանոսյան Պելիլու կղզին։ Միացյալ նահանգների և Ճապոնիայի կայսրության զինվորների միջև կատաղի մարտեր ընթացան, որոնց ելքը վճռորոշ եղավ պատերազմի ընթացքի վրա։ Մարտերը սկսվեցին սեպտեմբերի 15–ին և ավարտվեցին նոյեմբերի 27–ին։ Ամերիկացիներից զոհվեց 1460 հոգի, իսկ ճապոնացիների կորուստները մի քանի անգամ շատ էին` 10695։
Հիմա այս վայրերն այդ դեպքերի լուռ վկաներն են։ Այսօր այդ պահից անցել է 71 տարի, և մենք առանց վտանգի կարող ենք տեսնել, թե ինչ է մնացել այդ մարտից հետո։ Առաջին անգամ այստեղ հայտնված զբասաշրջիկը դժվարությամբ է հավատում, որ այս ողջ տեխնիկան ու կառուցված ամրություններն իրական են, քանզի ամերիկյան զրահապատ մեքենան խաղաղօվկիանոսյան 13 ք.կմ տարածքով կղզում մի փոքր անհավատալի է։