Tert.am–ը գրում է.
Միջերկրական ծովում 30-40 ներգաղթյալ է զոհվել, որոնք Լիբիայից հեռանում էին փչովի նավակով:
BBC-ն հաղորդում է Գաղթի հարցերով միջազգային կազմակերպության տվյալները, որոնց համաձայն` նավակում 140 գաղթական է եղել` Սոմալիից, Սուդանից և Նիգերիայից: Նավակը խորտակվել է լիբիական Միսրատայի ափերից հեռանալուց 7 ժամ անց:
Ողջ մնացածներին փրկել են իտալական ռազմածովային ուժերի ներկայացուցիչները և նրանց տեղափոխել են Լամպեդուզա:
Հաղորդվում է, որ փրկվածների մեջ է նաև մի նիգերիացի կին, ով ճանապարհին ծննդաբերել է:
ՄԱԿ-ի` փախստականների հարցերով գործակալության տվյալներով` այս տարի Միջերկրական ծովը ավելի քան 300 000 մարդ է հատել, որոնցից 200 000-ը` ափ են իջել Սիրիայում, 110 000-ը` Իտալիայում:
Շուրջ 2500 ներգաղթյալ զոհվել է Եվրոպայի ափերին հասնելու ճանապարհին: