Tert.am-ը գրում է.

ԱՄՆ Փենսիլվանիա նահանգի բնակչուհի Անժելիկա Սիայփը հայտնել է, որ իր «հերոս» կատուն փրկել է իր 3-ամյա որդուն փամփուշտի հարվածից:

Daily Mail-ի հաղորդմամբ` ամերիկուհին պատմել է, որ փամփուշտն անցել է իր որդու` Դեմիրի ննջասենյակի պատուհանով և դիպել կատվի քունքին, ապա անցնելով կենդանու վզի կողքով՝ ընկել բարձի վրա` հենց երեխայի կողքին:

Միջադեպը տեղի է ունեցել անցյալ հինգշաբթի: Կինը, սենյակ մտնելով, ստուգել է որդուն և համոզվելով, որ նա լավ է, նկատել է գետնին ընկած վիրավոր կատվին` Օփիին:

Անասնաբույժներն առաջարկել են սպանել վիրավոր կատվին, որպեսզի վերջինս չտանջվի, սակայն կինը որոշել է նրան վիրահատության ենթարկել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել