Tert.am-ը գրում է.
Քիչ առաջ «Ո՛չ թալանին» նախաձեռնության անդամները փորձեցին փակել Բաղրամյան պողոտան՝ Մարշալ Բաղրամյանի արձանի հարակից հատվածում, ինչից հետո ոստիկանությունը ուժով՝ քաշքշելով, բոլորին դուրս հանեց փողոցից:
Նշենք, որ «Ոչ թալանին» նախաձեռնության անդամները հանդես եկան անհնազանդության երթով, երբ հասել էին Բաղրամյանի սկզբնամաս՝ Ամերիկյան համալսարանի մոտ, ոստիկանները պատ կազմեցին:
«Ոչ թալանին» -ի տղաները բարձրախոսով դիմում էին քաղաքացիներին՝ «մի-ա-ցեք», ապա՝ ոստիկաններին՝ «հարգելի քաղաքացիներ, ամենը հանձնելուց հետո կարող եք միանալ քաղաքացիական պայքարին, դուք նույնպես քաղաքացի եք, դուք նույնպես հոսանք ունեք»;
«Այս պահին քաղաքացիական անհնազանդություն ենք իրականացնում, թե ինչ կանենք հետո, չեմ կարող ասել, ինչ միջոցի կձևակերպվի, չենք կարող ասել»,-հայտարարեց Մաքսիմ Սարգսյանը և բացատրեց, որ դա նշանակում է կաթվածահար անել երթևեկությունը:
