Tert.am-ը գրում է.
Կիրակի տեղի ունեցած MTV Video Music Awards-ի ժամանակ հայտնի ռեփեր Քանյե Ուեսթը հայտարարել է, որ ցանկանում է մասնակցել 2020 թվականի ԱՄՆ-ի նախագահական մրցապայքարին: Այդ հայտարարությունից րոպեներ անց համացանցում արդեն բազմաթիվ ֆոտոմեմեր հայտնվեցին:
Ինչպես գրում է Business Insider-ը` Twitter-ը նույնպես միացել է զվարճանքին: Երկուշաբթի օգտատեր Շոն Քինգը (Shaun King) հետևյալ գրառումն էր արել. «Եկեք գործնական լինենք: Եթե միայն 2 ընտրություն ունենայիք` Թրամփն ու Քանյեն, ում օգտին կքվեարկեիք: Կիսվել` Քանյեի օգտին, հավանել` Թրամփի»:
Գրառումից րոպեներ անց միլիարդատեր ներդնող Քրիս Սական զարմանալի նկատառում արեց. ոչ ոք չէր հավանել գրառումը, մինչդեռ 171 մարդ կիսվել էր արդեն` աջակցելով Քանյե Ուեսթին:
Նյութի աղբյուր՝ http://www.tert.am/am/news/2015/08/31/trump-west/1777966
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել