Աշխարհի որոշ երկրներ բավականին հարուստ են։ Սրանք այն երկրներն են, որտեղ մարդիկ ցանկանում են ապրել, այն երկրները, որոնք հայտնի են որպես «բերրի հողեր», որտեղ քչերն են աղքատության մեջ ապրում, եթե նույնիսկ կան աղքատներ։
Երկրի հարստությունը չափելու ամենատարբեր միջոցներ կան։ Այնուամենայնիվ, շատ տնտեսագետներ համաձայնության են եկել, որ երկիրը հարուստ է համարվում այն դեպքում, երբ ընդհանուր բնակչությունը բավարար եկամուտ է ստանում կարիքները հոգալու համար։ Հարուստ երկրների այս ցանկը կազմվել է տարբեր գործոններ հիման վրա, այդ թվում՝ հաշվի առնելով ծախսերն ու եկամուտները, սակայն հիմնականում այն կախված է մեկ շնչին հասնող համախառն ներքին արդյունքից. որքան բարձր է ՀՆԱ-ն, այնքան տվյալ պետությունն ավելի հարուստ է համարվում։
10 Քուվեյթ
Ասիայի մաս կազմող Մերձավոր Արևելքում գտնվող այս երկրի բնակչության թիվը հասնում է միայն 2.8 միլիոնի։ Չնայած բնակչության փոքր թվին՝ Քուվեյթի ՀՆԱ-ն 43.700 դոլար է կազմում։ Դրա տնտեսության մեծ մասը հիմնված է նավթի արտադրության վրա, ինչպես այս տարածքի շատ այլ երկրների դեպքում։ Քուվեյթի ՀՆԱ-ի մոտավորապես կեսն ապահովում են նավթի արտադրության եկամուտները։ Վերջերս նաև աճ է գրանցվել փոքր բիզնեսի ու ձեռնարկատտիրության ոլորտում, ինչևէ, նավթի արտադրությունը երկրում գերակշռող տնտեսական սեկտորն է, որը երկրի համար ապահովել է 10 հորիզոնականն աշխարհի ամենահարուստ երկրների տասնյակում։
9 Շվեյցարիա
Շվեյցարիայի տնտեսությունը նույնքան բազմազան է, որքան դրա բնական միջավայրը։ Շվեյցարիայի տնտեսությունը հիմնված է արդյունաբերության ու սպասարկման ոլորտի վրա՝ ժամացույցների արտադրությունից մինչև տուրիզմ ու գյուղատնտեսություն։ Երկար տարիներ շարունակ այն համարվում է Եվրոպայի ֆինանսապես ամենակայուն ու հարուստ երկրներից մեկը թերևս երկրի բանկային սեկտորի շնորհիվ, որը հայտնի է ամբողջ աշխարհում։
8 Միացյալ Արաբական Էմիրություններ
Արաբական այս երկիրը կազմված է յոթ էմիրություններից, որոնցից յուրաքանչյուրն անկախ է և կառավարվում է իր միապետի կողմից։ Ինչպես և շատ արաբական երկրներ, Միացյալ Արաբական Էմիությունների տնտեսությունը հիմնականում հիմնված է նավթի արտադրության վրա։ Ինչևէ, ի տարբերություն շատ արաբական երկրների, դրա տնտեսությունը կախված է շատ այլ կարևոր ոլորտներից, ինչպես օրինակ՝ խուրմայի ու չորացրած ձկան արտադրությունից ու արտահանումից։ Մի քանի տարի առաջ նավթի արտադրությունը Միացյալ Արաբական Էմիրություններում կտրուկ ընկավ, ինչը ստիպեց մարդկանց տնտեսական նոր հնարավորություններ փնտրել ու ստեղծել։
7 Ամերիկայի Միացյալ Նահանգներ
Աշխարհի ամենահզոր պետություններից մեկը համարվող ԱՄՆ-ը յոթերորդն է աշխարհի ամենահարուստ երկրների ցանկում։ Սա առավելապես ամենատարբեր արտադրանքների արտահանման շնորհիվ, այդ թվում զենքերի ու տեխնոլոգիաների արտահանման։ ԱՄՆ-ն արտահանում է նաև ծառայություններ, ինչը նույնպես խթանում է երկրի տնտեսությունը։ Չնայած վերջին տարիներին երկրում ծառացած քաղաքական խնդիրներին ու բնական աղետներին՝ այն շարունակում է մնալ աշխարհի առաջատար պետություններից մեկը։
6 Բրունեյ Դարուսսալամ
Բրունեյը գտնվում է Հարավարևելյան Ասիայում։ Փոքրիկ այս պետությունում կես միլիոնից պակաս մարդ է բնակվում։ Պետության ՀՆԱ-ի մոտավորապես 90 տոկոսը նավթի արտադրության արտահանման արդյունքն է։ Մնացած 10 տոկոսը բաղկացած է արդյունաբերության բազմազան տեսակներից, այդ թվում՝ ձեռնարկատիրությունից։ Բրունեյի մեկ շնչին հասնող ՀՆԱ-ն կազմում է 50,400 դոլար, ինչի արդյունքում երկիրը վեցերորդն է աշխարհի ամենահարուստ պետությունների ցանկում։
5 Հոնգկոնգ
Զարմանալի չէ, որ Ասիայի ամենաթանկ քաղաքը՝ վարչական այս հատուկ շրջանը, հայտնվել է ամենահարուստ երկրների ցանկում։ Այն լավագույն վայրն է ամբողջ աշխարհի ֆինանսական սեկտորի մարդկանց համար։ Հարավարևելյան Ասիայում՝ Չինաստանի ափամերձ շրջանում գտնվող այս վարչական հատուկ շրջանի տնտեսությունը համարվում է ամենաազատն աշխարհում։ Այս վարչական շրջանն ունի իր սեփական փոխարժեքը, որն ամենից շատ օգտագործվող փոխարժեքներից մեկն է աշխարհում։
4 Նորվեգիա
Եվրոպական այս երկիրը 5 միլիոն բնակչություն ունի։ Այն համարվում է աշխարհի ամենաապահով երկրներից մեկը։ Դրա տնտեսությունը հիմնված է էներգիայի տարբեր արտադրությունների վրա, որոնցից ամենանշանակալին նավթի արտադրությունն է։ Երկրի տարածքում նավթի մի քանի հանքեր կան, որոնցից յուրաքանչյուրն օգնում է բարձրացնել երկրի տնտեսությունը։
3 Սինգապուր
Հարավարևելյան Ասիայի այս փորքրիկ կղզի-պետությունը կազմված է 63 կղզիներից, իսկ դրա տնտեսությունը նման է Հոնգկոնգի տնտեսությանը։ Տնտեսական բաց համակարգի շնորհիվ այն երկրորդ ամենաազատ տնտեսություն ունեցող երկիրն է աշխարհում Հոնգկոնգից հետո։ Սինգապուրում փոքր բիզնեսի սեկտորը չափազանց զարգացած է։ Երկիրը բազմաթիվ եկամտաբեր աղբյուրներ ունի, այդ թվում՝ լինելով նավթի հանքի սարքավորումների համար մեկ արտադրողն աշխարհում և ունենալով խաղատների ու խաղային ծաղկող արդյունաբերություն։
2 Լյուքսեմբուրգ
Եվրոպական ամենահարուստ այս պետությունը գտնվում է Բելգիայի, Ֆրանսիայի ու Գերմանիայի միջև։ Այստեղ հարկերը չափազանց ցածր են, որի պատճառով այստեղ ներդրումներ են անում ամենահարուստ մարդիկ ամբողջ աշխարհից։ Բազմաթիվ միլիարդատեր որոշել են Լյուքսեմբուրգում հաստատվել՝ այստեղի ցածր հարկերի պատճառով։ Լյուքսեմբուրգի տնտեսության մեջ գերակշռում է արդյունաբերական ոլորտը։ Անցյալում այն հիմնականում սահմանափակվում էր պողպատի արտադրությամբ, սակայն վերջին տարիներին այն ընդլայնվել է՝ ներառելով ռետինի, քիմիկատների ու այլ նյութերի արտադրությունը։ Հեռուստահաղորդակցության արտադրությունը նույնպես զարգացում է ապրում Լյուքսեմբուրգում։ Համացանցային որոշ ընկերությունների գրասենյակներ նույնպես գտնվում են այստեղ, այդ թվում՝ «Amazon»-ը և «Skype»-ը։
1 Քաթար
Աշխարհի ամենահարուստ պետությունն, անկասկած, Քաթարն է։ Դրա մեկ շնչին հասնող ՀՆԱ-ն կազմում է 145.900 դոլար։ Գտնվելով Պարսից ծոցում՝ Քաթարի տնտեսությունը հիմնականում հիմնված է նավթարտադրության ու արտահանման վրա։ Արտահանումների քանակը կազմում է այս փոքրիկ պետության ՀՆԱ-ի 85 տոկոսը։ Քաթարի տնտեսությունը ներառում է տուրիզմն ու բանկային համակարգը։ Քաթարում չեն գործում եկամտահարկեր, և գործազրկության մակարդակը վերջերս ընկել է՝ հասնելով 0.1տոկոսի, ինչի արդյունքում երկրում տեսականորեն գործազրկություն, փաստորեն, չկա։ Քաթարում գտնվող նավթն ամբողջ աշխարհի նավթի պաշարների 13 տոկոսն է կազմում։ Մինչ Քաթարի նավթի արտադրությունը չի կարող հավերժ շարունակվել, երկիրը վերջերս սկսել է վերականգնվող էներգիայի արտադրությամբ զբաղվել, որը կարող է օգնել երկրին շարունակել գլխավորել աշխարհի ամենահարուստ երկրների ցանկը։
