GalaTV.am-ը գրում է.
Բուլղարիան զրահատեխնիկա է տեղակայում Մակեդոնիայի հետ սահմանին՝ անօրինական ներգաղթյալների հոսքը կանխելու նպատակով 4 անցակետերի հսկողությունն ուժեղացնելու համար:
Այս մասին, ՏԱՍՍ գործակալության հաղորդման համաձայն, հայտնել է Բուլղարիայի ՊՆ ներկայացուցիչ Նիկոլա Կարաիմովը: «Այս պահին մենք պատրաստվում ենք միայն ուժեղացնել պետական սահմանի վերահսկողությունը»,-հայտնել է նա:
Կարաիմովի խոսքերով, սահմանին կենտրոնացվել է 25 զրահամեքենա, սակայն անհրաժեշտության դեպքում դրանց թիվը կավելացվի: Միեւնույն ժամանակ, ինչպես ընդգծել է Կարաիմովը, բանակը դեռեւս չի պատրաստվում ակտիվ միջամտություն ցուցաբերել:
2015թ.-ի ընթացքում Բուլղարիան ընդունել է շուրջ 15 հզր. փախստականների՝ մեծամասնությունը Սիրիայից:
Նշվում է, որ ներգաղթյալները գերադասում են Բուլղարիայի եւ Սերբիայի տարածքներով անցնել Հունգարիա, որտեղ, ի տարբերություն Բալկանյան երկրների, նրանց ժամանակավորապես գրանցում են: