Կապիտալիզմի ամենահաճելի առավելություններից մեկը շուկայում առկա ապրանքների և ծառայությունների զանազանությունն է: Եթե պահանջարկ կա, ապա առաջարկ միշտ էլ կլինի: Ներկայացնում ենք աշխարհում գոյություն ունեցող 15 ամենայուրահատուկ ծառայությունների ցանկը:
1.Ճապոնական «Ներողություն եմ խնդրում» ծառայությունը:
Ներողություն խնդրելը հեշտ չէ, և ճապոնացիներն էլ այդ հարցում բացառություն չեն: Ճապոնական որոշ ընկերություններ մտածել ե, որ շուկայում ներողություն խնդրող մարդկանց պակաս կա: Այդ մարդիկ պատրաստ են ձեր փոխարեն ներողություն խնդրել: Ծառայության արժեքը տատանվում է 96-240 դոլարի սահամաններում:
2. Ավտոբուս ալկոհոլի ազդեցությունից տառապողների համար:
Լաս Վեգասում վայրի գիշեր անցկացնելուց հետո նստում եք այդ ավտոբուսը, որի մեջ հատուկ ձեր վիճակի համար տարբեր միջոցներ կառաջարկեն: Օրինակ, կաթիլային և սրտխառնոցի դեմ տարբեր դեղորայքներ: Սակայն, այն նույնպես իր ոչ քիչ արժեքն ունի:
3. Վարձով շնիկ:
ԱՄՆ-ի Յուտա նահանգում կարելի է ժամը 15 դոլարով շնիկ վարձել: Ընկերությունը շնիկին կհասցնի պատվիրատուի հասցեով: Գաղափարը կայանում է նրանում, որ սա իր տեսակի մեջ փորձ է այն մարդկանց համար, ովքեր ցանկանում են տնային կենդանի պահել, արդյունքում, կապվելով շնիկի հետ, ցանկանում են պահել հենց նրան:
4. Պապարացիի ծառայություն:
Դուք երբևէ ձեզ հայտնի զգացե՞լ եք: Այժմ դա հնարավոր է ընդամեը 500 դոլարով: Celeb 4 a Day ընկերությունը առաջարկում է պապարացիների և երկրպագուների ծառայությունը: Վարձած մարդիկ հիացմունքից կգոռան, ինչպես իսկական երկրագուներ, կլուսանկարեն, քանի դեռ դուք քայլում եք փողոցում: Այս ծառայությունը հասանելի է Նյու Յորքում, Լոս Անջելեսում և Սան Ֆրանցիսկոյում:
5.Վարձով թզուկ:
Ցանկանո՞ւմ եք ձեր երեկույթը անմոռանալի դարձնել: Այժմ դա հնարավոր է, եթե ապրում եք ԱՄՆ-ում, Մեծ Բրիտանիայում կամ Կանադայում: Դուք կարող եք ժամավճարով թզուկ վարձել, եթե ցանկանում եք երեկոն ավելի հետաքրքիր դարձնել:
6. Վարձով տատիկ:
Ավստրալիական «Վարձով տատիկ» ընկերությունը տարբեր ընդունակություններով տատիկներ է առաջարկում ժամավճարով: Այլևս ոչ մի միայնակ երեկոներ առանց «տատիկի» համեղ թխվածքաբլիթի:
7. Սեփական մասունքներից դիմանկարի ստեղծում:
ԱՄՆ-ի Վիրջինիա նահանգում ընդամենը 127 դոլարով մահացած մարդու մասունքներից նրա դիմանկարն են պատրաստում:
8. Վարձով հավ:
Ավստրալիական ևս մեկ ընկերություն ընտանի կենդանի վարձելու հնարավորություն է տալիս: Ընկերության կարգախոսն է. «Եթե դուք վերադարձնեք նրան, նշանակում է, դա վարձույթ էր, եթե պահում եք, նշանակում է գնել եք»:
9. Ցմահ դատապարտվածների համար սննդի պատվեր:
Տորոնտոյում «Վերջին ճաշը» ընկերությունը ցմահ դատապարտվածին սնունդ կառաքի: Այն իր մեջ DVD սկավառակ և դատապարտվածի թղթե դիմակ է նաև պարունակում:
10. Վարձով ընկեր:
RentAFriend.com կայքը 2009-ից սկսած ամբողջ աշխարհում մարդկանց հնարավորություն է տալիս ընդհանուր զբաղմունքների համար ընկեր վարձել: Ծառայության ժամավճարը 10 դոլար է:
11. Օտարերկարցու վարձույթ:
Ճապոնական ընկերությունը իր հաճախորդներին հնարավորություն է տալիս հաճելի ժամանակ անցկացնելու համար օտարերկացու վարձել:
12. Վարձով մարդ, ով կարող է ձեր փոխարեն հերթ պահել:
Նյու Յորքի թերություններից մեկը մեծ հերթերն են: Ժամը ընդամենը 25 դոլարով կարելի է մարդ վարձել, ով ձեր փոխարեն հերթ կպահի:
13. Աղջիկ «կպցնելու» օգնական:
Professional Wingman ընկերությունը Նյու Յորքում և Բոստոնում, ինչպես նաև Wingman ընկերությունը Լոս Անջելեսում բարում աղջիկ «կպցնելու» համար պրոֆեսիոնալ օգնություն կցուցաբերեն:
14. Վարձով մարդ, ով ձեզ համար բար կամ գիշերային ակումբ կընտրի:
Բոլորիս հետ էլ պատահում է, երբ ցանկանում ես գիշերային ակումբ գնալ, սակայն վախենում ես, որ այնտեղ չափազանց շատ կամ քիչ մարդ կլինի: Ինչպե՞ս նախորոք իմանալ: Այժմ iPhone-ի համար նախատեսված Crowdmug հավելվածի շնորհիվ դա հանարավոր է դարձել: Այս հավելվածից օգտվող մարդիկ հաճախ են նման հաստատություններ հաճախում: Նրանք լուսանկարում են սրահը այնտեղ գտնվելու պահին, իսկ ձեր հեռախոսը ստանում է այդ լուսանկարի ծանուցումը: Իսկ լուսանկարողն իր աշխատանքի համար գումար է ստանում:
15. «Կմաքրենք ձեր շան ետևից»:
Եթե ալարում եք մաքրել ձեր շան հետևից, ապա DoodyCalls ընկերությունը դա կանի ձեր փոխարեն: Ընդ որում, նրանք աշխատում են 2000-ից սկսած: