Google-ը Շրի Լանկային ինտերնետով կապահովի օդապարիկների միջոցով

Tert.am–ը գրում է.

Google ընկերությունը Շրի Լանկայի բնակիչներին կապահովի բարձր արագության ինտերնետով: Համացանցին միացումը կկատարվի օդապարիկների օգնությամբ, որոնք կարձակվեն Հնդկական օվկիանոսի վրա: Այս մասին հաղորդում է Lenta.ru-ն` Yahoo News-ին հղումով:

«Շրի Լանկայի ողջ կղզին` հարավից հյուսիս ապահովված կլինի բարձր արագությամբ ինտերնետով Google Loon ծրագրի օգնությամբ», հայտարարել է երկրի բարձր տեխնոլոգիաների գծով նախարար Մանգալա Սամարավեերան: Այսկերպ Շրի Լանկան կդառնա Հարավային Ասիայի առաջին երկիրը` ամբողջական ինտերնետ ծածկույթով:

Օդապարիկներին կմիանան նաև տեղի ինտերնետ մատակարարները, ինչը կմեծացնի իրենց առաջարկած ծառայությունների արագությունը: