Tert.am-ը գրում է.
Թուրքիան շարունակելու է ռազմական գործողություններն ընդդեմ «Իսլամական պետություն» խմբավորման և Քուրդիստանի աշխատավորական կուսակցության՝ PKK-ի:
Նման հայտարարություն է արել Թուրքիայի վարչապետ Ահմեթ Դավութօղլուն:
Ինչպես տեղեկացնում է TRT Haber կայքը, Դավութօղլուն նշել է, թե երկրում տեղի ունեցած խորհրդարանական ընտրություններից հետո ահաբեկիչները կարծել են, թե երկիրը թուլացել է, սակայն «դա այդպես չէ»:
«Թուրքիայի իշխանությունները պատրաստ են ցանկացած սադրանքի պատասխան տալ: Մենք պատրաստ ենք համաժամանակյա գործողություն իրականացնել ոչ թե 3, այլ, եթե հարկ լինի, 33 ահաբեկչական խմբավորման դեմ»,-ասել է Դավութօղլուն:
Հիշեցնենք, որ հուլիսի 25-ից Թուրքիայի օդուժը հարվածներ է հասցնում Իրաքի տարածքում գտնվող PKK-ի բազաներին, ինչպես նաև Սիրիայի տարածքում գործող ահաբեկիչներին: