Tert.am-ը գրում է.
Թուրքիայում ռեստորանի սեփականատերը ծեծել է սիրիացի փախստական տղային, ով անձեռոցիկներ էր վաճառում փողոցում` ապրուստի համար գումար վաստակելու նպատակով:
Ինչպես ներկայացնում է Daily Mail-ը` ծեծի ենթարկված սիրիացի երեխայի լուսանկարները միջադեպից հետո տարածվել են լրատվամիջոցներում, որից հետո զայրույթի և կարեկցանքի ալիք է բարձրացել համացանցում:
Միջադեպը տեղի է ունեցել Իզմիր քաղաքի Բասման հրապարակում: Ահմեդ Համբո Աբեյդ անունով տղան լուսանկարներում պատկերված է լաց լինելիս, արյունոտ դեմքով:
Ինչպես հաղորդվում է` բարձրացած աղմուկը գրավել է Թուրքիայի վարչապետ Ահմեդ Դավութօղլուի ուշադրությունը, ով հրահանգել է նահանգային կուսակցության անդամներին պարզել տղայի գտնվելու վայրը` օգնություն ցույց տալու համար:
Նյութի աղբյուր՝ http://www.tert.am/am/news/2015/07/27/Syrian-boy-beaten/1748367
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել