Tert.am-ը գրում է.

Նրանք, ովքեր ցանկանում են կարճ ժամանակահատվածում, առանց հյուծիչ դիետաների ու հոգնեցնող մարմնամարզության ազատվել ավելորդ քաշից, ունեն հրաշալի այլընտրանք:

Ինչպես նշում է Healthy Life Vision կայքը, ճապոնացի բժիշկ Ֆուկուցուձիի մշակած մեթոդն անցած 10  տարվա ընթացքում օգնել է նիհարել միլիոնավոր կանանց: Հրաշագործ մեթոդի կիրառումը հետևյալն է. վերցրեք միջին չափի սրբիչ, գալարաձև փաթաթեք ու թելով կապեք այն և դրեք մեջքի տակ, ինչպես որ ցուցադրված է նկարում:

Այս վիճակով օրական 3 անգամ պառկեք հարթ մակերևույթի վրա` 5 րոպեով: Այդ ընթացքում այնպես արեք, որպեսզի ոտքերի բութ մատներն ու ձեռքերի ճկույթներն  իրար կպած լինեն: Անհրաժեշտ է, որպեսզի ձեռքերն ափերի հատվածով դրված լինեն հատակին:

Վարժությունն ավարտելուց հետո պետք չէ անմիջապես վեր կենալ: Սկզբում ուղղեք ձեռքերն ու ոտքերը, հետո շրջվեք ձախ կողմի վրա, մի քիչ պառկեք, հետո նստեք ու հանգիստ բարձրացեք:

Աղբյուրը նկատում է, որ սկզբում այս դիրքը բավական ցավոտ ու անհարմար է, սակայն ցավը հաղթահարելու ու մեթոդն ամեն օր կիրառելու դեպքում արդյունքը երկար սպասել չի տա:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել