Կարգադրելու իրավունք տալիս է միայն հնազանդությունը:
Դատավորները պիտի հիշեն, որ իրենց գործն օրենքը մեկնաբանելն է, այլ ոչ թե այն պարգևելը:
Նախքան դատապարտելը միշտ պետք է մտածել՝ չի՞ կարելի արդյոք արդարացում գտնել:
Ունեցիր թեկուզ փոքր խելք, բայց քոնը:
Սեփական աչքում արդարանալու համար մենք հաճախ մեզ համոզում ենք, որ մեր ուժից վեր է հասնել նպատակին, իսկ իրականում մենք ոչ թե անզոր ենք, այլ անկամ:
«Բռունցքի իրավունքն» նույնքան անհեթեթ է, որքան, ասենք, կլոր քառակուսին կամ քառակուսի շրջանը:
Չկա օրենք, որ բոլորի սրտովը լինի:
Յուրաքաչյուր մարդ պետք է որոշ չափով օրենքներ իմանա. եթե նա գիտի դրանք բավականաչափ, որպեսզի դրանց ճանկը չընկնի, նրանից լավ փաստաբան դուրս կգա:
Չկա ավելի, վնասակար կենդանի, քան օրենքներին չհետևող մարդը:
Հաճախ օրենքը թույլատրում է այն, ինչ թույլ չի տալիս պատիվը:
Խիղճը օրենքների օրենքն է:
Հանցանքներ կան, որոնք իրենց փայլով, ծավալով և բացառիկությամբ մեր աչքին դառնում են ներելի, նույնիսկ պանծալի. պետական գանձերի կողոպուտը անվանում են ճարպկություն, իսկ օտար հողերի անարդար զավթումը՝ նվաճում: