Tert.am-ը գրում է.
Թուրքիայի արևելքում տեղի ունեցած պայթյունի հետ կապված ցույցը Ստամբուլում վերածվել է անկարգությունների:
Ինչպես տեղեկացնում է Газета.Ru-ն` Reuters-ին հղումով, հարյուրավոր մարդիկ են դուրս եկել Թաքսիմ հրապարակ այն բանից հետո, երբ քրդական Սուրուչ քաղաքում տեղի ունեցած պայթյունի հետևանքով 30 մարդ էր զոհվել: Ցուցարարները նախագահ Էրդողանին և իշխող կուսակցությանը մեղադրում են ահաբեկիչներին աջակցելու մեջ:
Ինչպես հայտնում են ականատեսները` ցույցը խաղաղ բնույթ էր կրում, սակայն մի քանի ցուցարարներ սկսել են շշեր նետել ոստիկանների ուղղությամբ, որի հետևանքով էլ ոստիկանները արցունքաբեր գազ և ջրցան մեքենաներ են կիրառել հավաքվածների նկատմամբ:
Այսօր ավելի վաղ հայտնի էր դարձել, որ Սիրիային սահմանակից Սուրուչ քաղաքում տեղի ունեցած պայթյունն իրականացրել է «Իսլամական պետության» 18-ամյա մահապարտ աղջիկը: