Ավտովթարը տեղի էր ունեցել Չինաստանի Ցինդաո քաղաքում։ Բեռնարկղեր տեղափոխող հսկայական բեռնատարը, կտրուկ շրջադարձի ժամանակ ողջ բեռը թափել էր մարդատար ավտոմեքենայի վրա, որում աղջիկ ու տղա էին գտնվում։
Փրկարարները վստահ էին, որ վթարի արդյունքում ոչ ոթ չի փրկվել և, որ մետաղի ջարդոնի վերածված մեքենայից մարդկային մարմնի մասեր են հանելու։
Երբ նրանք սկսեցին իրենց աշխատանքը, վթարված մեքենայից օգնության կանչեր լսեցին։ Աղջիկը մեքենայի պատուհանի ոչ մեծ անցքից ցույց տվեց մատները` հասկացնելով, որ դեռ ողջ է։
Այդժամ սկսվեց իրական փրկարարական աշխատանքները։
Աղջկան հեշտությամբ դուրս բերեցին վթարված մեքենայից։ Նա մի քանի քերծվածք ու կապտուկ էր ստացել։
Ճզմված մեքենայի մեջ ընդամենը 60 սմ տարածություն էր եղել, և դա էլ օգնել էր մարդկանց ողջ մնալ։
Տղամարդու վիճակը մի փոքր ծանր էր, բայց հույս կա, որ նա նույնպես շուտափույթ կառողջանա։
