Tert.am–ը գրում է.
Բրիտանիայում 1838-1901 թվականներին գահակալած Վիկտորյա թագուհու անդրավարտիքը վաճառքի կհանվի Chippenham Auction Rooms աճուրդի տան կողմից: Ինչպես գրում է Lenta.ru-ն` The Daily Telegraph-ին հղումով, ներքնազգեստը կարված է 114 սմ շրջանագծով իրանի համար:
Հուլիսի 11-ին կայանալիք աճուրդում կվաճառեն նաև Վիկտորյա թագուհուն և նրա դստերը` Ալիսին, պատկանած գիշերազգեստը, գուլպաները և գլխարկները: Նշվում է, որ աճուրդում այս իրերի վաճառողն է անգլիական Սասեքս կոմսությունում գտնվող Yesterday՛s World թանգարանը:
Աճուրդի տան ներկայացուցիչ Ռիչարդ Էդմոնդսը ընդգծել է, որ արքայական տան անդամների ողջ հագուստը կատարյալ վիճակում է պահպանվել այս տարիների ընթացքում: Նրա կարծիքով նման իրերի հանդեպ հետաքրքրություն են ցուցաբերում արտասահմանցի կոլեկցիոներները: