Ջրանցքի հանդիսավոր բացմանը ներկա է եղել հայ ժողովրդի մեծ բարեկամ, նորվեգացի անվանի գիտնական, հասարակական գործիչ Ֆրիտյոֆ Նանսենը:

Վերջինս իր լուսանկարչական սարքով «անմահացնում» է արժանահիշատակ պահերը: Ավելին, երբ ջուրն սկսում է հոսել ջրանցքով, շատերի հետ Նանսենը ևս ոգևորված այնտեղ է նետում իր լայնեզր գլխարկը:

Ջրանցքի բացման առթիվ երեկոյան հանդիսավոր նիստ է կազմակերպվում, ուր ելույթ է ունենում նաև Նանսենը. «Հայ ժողովրդի տարեգրության մեջ սկսվում է նոր դարաշրջան: Այս գործը կատարված է ուժեղ և խելոք ժողովրդի կողմից, որը համեստ միջոցներով, բայց նպատակասլաց, երկար տարիների տանջանքներից, զրկանքներից, պատերազմի արհավիրքներից ու ավերածություններից հետո պատրաստ է կառուցել իր երջանիկ ապագան:

Ամբողջ աշխարհի համակրանքն է վայելում Հայաստանի ձեռներեցությունը` ստեղծելու մի նոր օջախ-բնակավայր, եթե ոչ բոլոր հայերի համար, ապա այնպիսի օջախ, որը հեռվում գտնվող ամեն մի հայ համարի իր իսկական հայրենիքը»:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել