Աշխարհում շատ սոցցանցեր կան, որտեղ կարելի է ծանոթանալ, շփվել, գրառումներ կատարել կամ լուսանկարներ հրապարակել, սակայն դրանցից ամենահայտնին, միանշանակ, Instagram-ն է: Սա հատուկ ֆոտոծրագիր է բջջային հեռախոսների համար, որի միջոցով խմբագրված լուսանկարները հրապարակվում են նաեւ համացանցում: Այսօր սա աշխարհի ամենահայտնի և նորաձև կայքն է համարվում: Այնպես որ, եթե դու հետևում ես նորաձևությանն ու քեզ նորաձև մարդ ես համարում, ապա պարտավոր ես հաշիվ ունենալ Instagram-ում: FashionYan.com-ն իր ընթերցողներին է ներկայացնում Instagram-ում արագ հայտնի դառնալու մի քանի կանոն:
1. Գլխավոր նկար. այն պետք է լինի գրավիչ և հետաքրքիր, քանի որ մարդիկ առաջինն այդ նկարն են տեսնում ձեր անվան կողքին: Եթե նկարը հետաքրքրեց, կսկսեն հետևել ձեր էջին:
2. Բաց էջ: Եթե ցանկանում եք Instagram-ում շատ հետևորդներ ունենալ, ապա ոչ մի դեպքում մի փակեք ձեր պրոֆիլը:
3. Ինքներդ հետևեք: Որպեսզի շատ հետևորդներ ունենաք, բնականաբար, ստիպված եք ինքներդ այլոց էջերին follow անել:
4. Ոչ սփամին: Երբեք միանգամից մի քանի նկար մի հրապարակեք ձեր էջում: Այդպես նկարները կկորչեն` առանց շատ հավանությունների արժանանալու:
5. Ակտիվություն: Որքան հնարավոր է շատ մեկնաբանություններ թողեք տարբեր էջերի լուսանկարների տակ, որպեսզի այդ կերպ գովազդեք ձեր էջը:
6. Եվ վերջում, աշխատեք իսկապես լավ ու հետաքրքիր լուսանկարներ հրապարակել, և հետևորդներն իրենք կգտնեն ձեզ:
