3 երեխաների մայր 26-ամյա Կրիստինա Սթեգզը կշռում էր 140 կգ՝ շնորհիվ կոնֆետների, շոկոլադների ու պաղպաղակի, որոնք սկսեց ուտել երկրորդ որդու ծնունդից հետո:
Մի անգամ նա կողքից լսեց, որ ինքը նման է հոլիվուդյան դերասանուհի Անջելինա Ջոլիին: Հենց դա նրան ստիպեց զբաղվել իր արտաքինով ու դիետա պահել՝ նմանվելու համար իր կուռքին:
Նա 2010 թվականի ապրիլից անդամագրվեց նիհարողների ակումբին ու մինչև հաջորդ տարվա օգոստոս նիհարեց մոտ 70 կգ-ով: Ներկայում բազմազավակ մայրը հիանալի տեսք ունի:
Անձամբ Կրիստինան ասում է. «Պետք է խոստավանեմ, որ ես երբեք ինչ-որ նմանություն չեմ տեսել ինչ-որ մեկի հետ, երբ դեռ գեր էի, սակայն մի կին ինձ ասաց, որ ես նման եմ Անջելինա Ջոլիին»:
«Նա ասաց, որ մեր շուրթերը նման են, ու ինձ համար դա իսկական հաճոյախոսություն էր: Այդ խոսքերը կարծես մտան գլուխս: Մինչ այդ ես մշտապես պայքարում էի ավելորդ քաշի դեմ, սակայն ապարդյուն: Ես չափազանց շատ էի ուտում: Իսկ այդ ժամանակ ես նոր խթան ունեցա»:
«Հիմա ես ազատվել եմ ավելորդ քաշից, մարդիկ ասում են, որ ես զարմանալիորեն նման եմ Անջելինային, ինչը ինձ հիացնում է: Իմ ընկերը նույնպես գոհ է»,- անկեղծանում է աղջիկը:
Կրիստինայի համար նիհարելու խթաններից մեկը խանութում նրա չափերի հագուստի բացակայությունն էր:
«Ինձ մշտապես տանջում էին կրծքի ցավերը, այդ պատճառով ես պետք է գործեի: Առաջին շաբաթում ես նիհարեցի 2,7 կգ-ով, իսկ 1 ամսում՝ գրեթե 9 կգ-ով»,- ասում է Կրիստինան:
Նիհարելու պրոցեսում նա սնվում էր օրական 3 անգամ՝ ուտելով ցածրկալորիականության սնունդ ու ամեն օր զբոսնում էր շան հետ մոտ 5,5 կմ: