Լատվիայում երկնաքար էր ընկել։ Համենայն դեպս, այդպես կարծեցին սկզբում։
Նախ բջջայինով նկարահանած տեսանյութ տեղադրվեց, այնուհետև լուրը տարածվեց լրատվական գործակալություններով, այդ մասին գրեցին աշխարհի բոլոր ԶԼՄ–ները։ Այնուհետև դեպքի վայր ժամանեցին փորձագետները, զննեցին տարածքն ու հայտարարեցին, որ փոսը փորվել է բահերով, իսկ կրակը դյուրավառ հեղուկի միջոցով է առաջացել։
Ավելի ուշ պետք է պարզվեր, որ դա կազմակերպել է լատվիական «Tele2» բջջային օպերատորը։ Ընկերության ներկայացուցիչը հայտարարել էր, որ այդպիսով ցանկացել են աշխարհի ուշադրությունը հրավիրել Լատվիայի վրա, որպեսզի բոլորը խոսեն ոչ թե երկրի ճգնաժամային վիճակից, այլ նրանից, թե ինչ հետաքրքիր միջադեպ է տեղի ունեցել։
Ահա այդ հեքիաթի լուսանկարները՝
Այս միջադեպից հետո Լատվիայի մասին չխոսեցին։ Լատվիային սկսեցին ծաղրել։
